Ливандаги Ҳизбуллоҳ ҳаракати Ҳасан Насруллоҳ ўлимидан сўнг ҳаракат ижроия кенгаши раиси Ҳошим Сафийиддиннинг бош котиб лавозимига тайинланганини рад этди. Ҳаракат Ҳизбуллоҳ раҳбариятининг расмий баёнотига қадар бундай хабарларга ишонмасликка чақирди.

Ливандаги Ҳизбуллоҳ гуруҳининг Шўро кенгаши (асосий бошқарув органи) Ҳошим Сайфуддинни ташкилотнинг янги бош котиби этиб сайлади. Сайфуддин ҳаракат собиқ етакчиси Ҳасан Насруллоҳнинг амакиваччаси ва Эроннинг Қудс кучлари собиқ қўмондони Қосим Сулаймонийнинг куёви ҳисобланади.

Хабарда айтилишича, Ҳизбуллоҳ ҳаракати бош котиби Ҳасан Насруллоҳ бир кун аввал Исроил армиясининг Байрутнинг жанубий ҳудудларида уюштирган ҳаво ҳужумлари натижасида ҳалок бўлган.

Исроил армияси ўта аниқ разведка маълумотлари асосида Ҳизбуллоҳнинг Ливан пойтахти Бейрут шаҳрининг Даҳия туманидаги ер остида жойлашган ҳаракат бош қароргоҳига берилган авиазарба натижасида Ҳасан Насруллоҳ ўлдирилганини маълум қилди. Ҳизбуллоҳ манбалари унинг ҳалок бўлмагани, бироқ яраланганини билдирди.

ҲАМАС етакчиси Исмоил Ҳаниянинг Теҳронда ўлдирилиши, Ливанда Ҳизбуллоҳнинг кўплаб юқори мартабали қўмондонларига суиқасдлар ортидан “қисқа муддатда шиддатли қасос олиш”га ваъда берган Эрон сўнгги вақтларда баёнотлари оҳангини юмшатди, ҳатто Нью-Йоркдаги БМТ Бош Ассамблеясида иштирок этган мамлакат президенти Масуд Пезешкиан америкалик журналистларга Эрон Исроилга куч ишлатмаслиги мумкинлигига ишора қилди.

Ливанда 34 кишининг ўлимига ва 3500 га яқин кишининг жароҳатланишига сабаб бўлган пейжерлар ва рацияларнинг портлаши Ҳизбуллоҳ сафларида катта хавфсизлик муаммолари мавжудлигини очиб берди. Ҳаракат ичига портловчи модда ва майда металл шарчалар жойлаштирилган қурилмаларни билвосита МОССАДга тегишли компаниядан сотиб олган.

Ливан соғлиқни сақлаш вазири мамлакатда рациялар портлашидан 25 нафар, пейжерлар портлашидан эса 12 киши, жами 37 киши ҳалок бўлганини маълум қилди. Ҳизбуллоҳ эса ҳалок бўлганларнинг 25 нафари ўз аъзолари эканини билдирди. Шунингдек, ушбу қурилмаларга Исроил аввалдан портловчи модда ва махсус дастурий таъминот ўрнатгани аниқланди.

Бугун, 19 сентябрь куни босқинчи Исроил кучлари Ливанни фаол равишда бомбардимон қилишни бошлади. Қайд этилишича, ҳозирда сионистларнинг қирувчи самолётлари Байрут осмонида учмоқда. Маҳаллий Ливан матбуоти "Ҳизбуллоҳ"нинг Маргалиот шаҳрига берган зарбаси натижасида 2 нафар исроиллик аскар ҳалок бўлгани ва 16 нафари яраланганини хабар қилди.

Исроил авиацияси Ливанда Ҳизбуллоҳ нуқталарига уюштирган вакуумли бомба ҳужумлари натижасида ҳаракатнинг беш аъзоси ҳалок бўлди. Бунга жавобан Исроил ҳудудига уюштирилган учувчисиз учоқ ҳужумларида эса 17 исроиллик жароҳатланди.

Байрутда Араб лигаси бош котиби ёрдамчиси Ҳусам Заки қаршилик ҳаракати сиёсий бюроси аъзоси Муҳаммад Раад билан учрашиб, унга лига қарорини маълум қилган. Журналистлар билан суҳбатда мисрлик дипломат Ҳизбуллоҳнинг Исроил билан можароси кенгайишига йўл қўйиб бўлмаслигини ҳамда барча томонлар БМТ Хавфсизлик Кенгашининг 1701-резолюциясига риоя қилиши кераклигини қўшимча қилган. Маълумот учун, 2016 йилда Араб лигаси Саудия ташаббуси билан Ҳизбуллоҳни террор ташкилот деб тан олганди.