Байрутда Араб лигаси бош котиби ёрдамчиси Ҳусам Заки қаршилик ҳаракати сиёсий бюроси аъзоси Муҳаммад Раад билан учрашиб, унга лига қарорини маълум қилган. Журналистлар билан суҳбатда мисрлик дипломат Ҳизбуллоҳнинг Исроил билан можароси кенгайишига йўл қўйиб бўлмаслигини ҳамда барча томонлар БМТ Хавфсизлик Кенгашининг 1701-резолюциясига риоя қилиши кераклигини қўшимча қилган. Маълумот учун, 2016 йилда Араб лигаси Саудия ташаббуси билан Ҳизбуллоҳни террор ташкилот деб тан олганди.

Ўтган ҳафта кучли ўққа тутилган Исроил армияси матбуот котиби Даниэль Ҳагари Исроил Ҳизбуллоҳга қарши қуруқликдан ҳужум бошлаши мумкинлигини айтиб чиқди. Унинг иддаосича, қаршилик ҳаракатининг кучайиб бораётган ҳужуми сионистларни шунга "мажбур қиляпти". Маълумот учун, олдинроқ ишғолчи давлат Ливан гуруҳи қўмондонларидан бири Толиб Абдуллоҳни ўлдирганди. Қаршилик ҳаракати бунга жавобан босқинчиларга қарата 200 дан ортиқ ракета учирди.

Толибон Исроил Ливанга бостириб кирган тақдирда шимолий фронтда Ҳизбуллоҳ қаршилик ҳаракати билан бирга ишғолчиларга қарши жанг қилмоқчи. Ҳаракат етакчилари Эронга улар сафидаги минглаб жангчилар имкони бўлса "ушбу шарафли урушга боришга тайёр"лигини етказган.

Ҳизбуллоҳнинг оммавий ва узлуксиз ҳужумларидан сўнг, Исроил босқинчи кучлари Фаластин шимолидаги назоратини йўқотди. Маълум бўлишича, бир неча соат ичида Ҳизбуллоҳ сионистларга қарата 200 та ракета учирган. Турли йўналишлардан ҳужумга ўтган қаршилик ҳаракати Темир гумбаз тизимини ёриб ўтишга муваффақ бўлган. Исроил аскарлари уларнинг "махсус ўқитилган итлари порох ҳидини сезмаётгани, биноларга ёки туннелга киришганида, портлаш оқибатида итдек ўлиб кетаётгани"дан нолимоқда.

Исроил ҳукумати Ливан билан фронтда юзага келиши мумкин бўлган кескинлашувга тайёргарлик кўриш учун қўшимча 50 минг захирадаги ҳарбий хизматчилар чақирувини маъқуллади. Фаол захирадаги аскарларнинг умумий сони шимолда Ливан билан эҳтимолий жангларга тайёргарлик кўриш учун 300 минг нафардан 350 минггача кўтарилди. Ливан билан чегарада Исроил ҳарбий кучлари сони ортиб бормоқда.

“Ҳизбуллоҳ”нинг Исроил шимолига амалга ошираётган “қасос зарбалари” кучли ўрмон ёнғинларини келтириб чиқарди. Исроил ёнғинларга қарши курашишга кучи етмай, қўшни давлатлардан ёрдам сўрагани айтилмоқда. Кўплаб аҳоли пунктлари сокинлари вақтинчалик кўчирилган.

Ливандаги Ҳизбуллоҳ ҳаракати Исроил томонидан босиб олинган Голан тепаликлари томон ўнлаб “Катюша” ракеталари отилганини хабар қилди. Ўз навбатида, Исроил армияси учирилган ракеталарнинг кўп қисмини тутиб олгани ва ҳеч қандай талофат йўқлигини маълум қилган.

Исроил мудофаа вазири Йоав Галлант Тел-Авивнинг Ҳизбуллоҳ ҳаракати билан боғлиқ муаммони дипломатик йўллар билан ҳал қилишга тайёрлигини маълум қилди. Аввалроқ унинг ўзи Ғазода сулҳ тузилган тақдирда ҳам Ҳизбуллоҳ билан уруш давом этишини билдирганди.

Исроил мудофаа Йоав Галант Ғазо секторида ўт очишни тўхтатиш келишувига эришилган тақдирда ҳам Ливандаги Ҳизбуллоҳ ҳаракати билан тўқнашувлар давом этишини маълум қилди.

Исроил-ҲАМАС можароси туфайли бугун фаластинликларнинг шафқатсизларча қирилаётгани, ёш гўдаклар, кексалар ва аёлларнинг геноцидга учраётгани Яқин Шарқдаги вазиятни кескинлаштириб юборди. Ҳатто зиддиятга Ливаннинг катта нуфузга эга бўлган “Ҳизбуллоҳ” ҳаракатининг аралашиб қолиш эҳтимолини юзага келтирди. Тўғри, ҳозирча Исроил ва “Ҳизбуллоҳ” ўзаро жанги чегарадош ҳудудларни ўққа тутиш билан чегараланган. Аммо зиддият 2006 йил июлидаги 34 кунлик, Исроилнинг мағлубиятига олиб келган уруш каби кенг қамровли ҳарбий ҳаракатларга олиб келмаслигига ҳеч ким кафолат бермайди. Azon Global сисий таҳлилчи Абдували Сойибназаровнинг бу борадаги мулоҳазаларини эътиборингизга ҳавола этамиз.