29.11.2024 09:54
Икки ойлик уруш: Ливан ва Исроилнинг йўқотишлари
Исроил матбуоти "Ҳизбуллоҳ" ва Исроил армияси ўртасидаги икки ойлик уруш давомида Ливан ва Исроил кўрган зарарнинг қиёсий таҳлилини чоп этди.
The Jerusalem Post газетаси маълумотлар олдинги хабарларга асослангани ва Исроил армиясидан янгиланиш кутилаётганини таъкидлади. Маълумотлар тахминий бўлса-да, у ҳар икки томоннинг ҳам тинч, ҳам ҳарбий йўқотишлари ҳақида умумий тасаввур беради.
Нашрга кўра, «Ҳизбуллоҳ» 2500 дан 3000 нафаргача жангчисини, Исроил эса 75 та аскарини йўқотган. Шу билан бирга, "Ҳизбуллоҳ" қўмондонларнинг муҳим қисми ҳалок бўлганига қарамай, ўн минглаб жангарилари билан қолмоқда, уларнинг аксарияти оддий кучлардир.
Тинч аҳоли орасида ҳаво, артиллерия ва бошқа ҳужумлар натижасида 700 дан 1200 нафаргача ливанлик ҳалок бўлди. Исроилда эса тинч аҳоли қурбонлари сони 45 тани ташкил этди.
Ливандан Исроилга 15 мингга яқин ракета ва 2500 та учувчисиз учоқ отилган. Қайд этилишича, "Ҳизбуллоҳ"нинг ракета арсенали 150 мингдан 30 мингдан кўпроққа қисқартирилган, айни пайтда, бу маълумотлар тахминийлигича қолмоқда. Бу қисқариш билан ҳам, ҳозирги урушгача ҲАМАС захиралари икки баравар кўпдир.
Исроилнинг Ливанга қилган ҳужумлари сони ҳам турли ҳисоб-китобларга кўра фарқ қилади. Энг кенг тарқалган маълумотларга кўра, 14 мингга яқин ҳаво ва артиллерия зарбалари берилган. 20 сентябрдан 26 ноябргача биргина Байрутга 330 та ҳаво ҳужуми уюштирилди.
Икки ой ичида кўчирилганлар сони 60 мингдан ортиқ исроилликка 1,2 миллиондан 1,6 миллионгача ливанлик тўғри келди. Хусусан, сўнгги бир йил ичида Ливан жанубининг юз минглаб аҳолиси ўз уйларини ташлаб кетишган.
Охирги икки ой ичида исроилликларнинг учдан бир қисми "Ҳизбуллоҳ" томонидан зарбага учраган, ракета ва дрон ҳужумларида 2874 фуқаролик биноси зарар кўрган.
Зиён ва йўқотишлар (Сионистик режимнинг)
Иқтисодий зарар:
1,7 млрд доллар (эвакуация харажатлари ва шимолий ҳудудлардаги аҳолини кўчириш).
273 млн доллар (инфратузилма йўқотишлари).
3,5 млрд доллар (туризм соҳасига зарар).
Ҳарбий йўқотишлар:
50 та танк ва зирҳли транспорт воситалари йўқ қилинган.
100 ўлик, 1000дан ортиқ яраланган.
Жамиятдаги таъсир:
22 715 марта ҳаво ҳужуми сиреналари янграган.
60 000 киши ўз уйларидан кўчирилган.
Ракеталар ҳужуми:
3800 та ракета отилган.
400 та оммавий отиш амалга оширилган.
Ҳарбий ютуқлар:
6 та "Меркава" танки йўқ қилинган (ўртача 4 млн доллар туради).
бир кун ичида 541 марта сиреналар ишга туширилди.
Исроил ва Нетаняхунинг мақсадлари:
1. "Ҳизбуллоҳ"нинг ҳарбий салоҳиятини 80% йўқ қилиш.
Реаллик: "Ҳизбуллоҳ"нинг ҳужумлари ва ракета отишлари Хасан Насруллоҳнинг ўлими билан ҳам тўхтамади.
2. "Ҳизбуллоҳ"га босим ўтказиб, асирлар алмашувига эришиш.
Натижа: Исроил ҲАМАСга қарши кураша олмади.
3. Аҳолини ўз уйларига қайтариш.
Реаллик: Эвакуация қилинган ҳудудларда хавфсизлик таъминланмади.
4. "Ҳизбуллоҳ"ни қуролсизлантириш (1559-резолюция).
Натижа: Ҳеч қандай ўзгариш содир бўлмади.
5. "Ҳизбуллоҳ"нинг соғлиқни сақлаш, иқтисодий ва сиёсий тизимларини йўқ қилиш.
Натижа: Бу тизимлар муваффақиятли ишлашда давом этмоқда.
6. Шимолий ҳудудларда хавфсизликни тиклаш.
69% Исроил аҳолиси уруш якунланганини тан олмади.
