Эронда Сулаймоний қабри яқинида 84 кишининг ўлимига сабаб бўлган иккита портлаш учун жавобгарликни ИШИД ўз зиммасига олди.

АҚШ элчихонаси Францияда ҳам теракт хавфи кучайганидан огоҳлантирди. Элчихона ҳужумлар “озгина огоҳлантириш” билан амалга оширилиши мумкинлигини таъкидлаб, фуқаролар ва сайёҳларни, айниқса, одамлар гавжум жойларда ўта ҳушёр бўлишга чақирмоқда.

Франция разведкаси Марказий Осиё давлатлари фуқаролари устидан назоратни кучайтирди. Москвада содир этилган теракдан сўнг мамлакатда марказий осиёликларнинг “катта тўпланишлари” қайд этилган. Шу сабабли француз разведкаси ўз эътиборини Туркманистон, Қирғизистон ва Қозоғистон фуқароларига ёппасига қаратишга қарор қилди.

ФСБ Москва, Екатеринбург ва Омск шаҳарларида “Крокус Сити Холл”да содир этилган қўпорувчилик ҳаракатида жангариларни молиялаш ва ёллашда гумон қилинган икки нафар марказий осиёлик ва бир Россия фуқаросини қўлга олди.

“Толибон” Афғонистонга қўшни 3 давлатни ИШИДга ёрдам беришда айблаб, бири ИШИДни жангарилар билан таъминлаётган бўлса, иккинчиси уларни тайёргарликдан ўтказаётгани, учинчиси эса молиялаштираётганини маълум қилди. Ушбу давлатлар номи очиқ айтилмаган бўлса ҳам, гап Тожикистон, Покистон ва Эрон ҳақидаги кетаётгани айтилмоқда.

2014 йил июнь ойида Ироқнинг Мосул ва бошқа ҳудудларини қўлга киритган ИШИД террор ташкилоти Тал Афар туманида халқ тили билан “Дўзах қудуғи” деб аталадиган ботиққа 1000 дан зиёд тинч аҳоли вакиллари, жумладан, болалар ва аёлларни ўлдириб, кўмган. Улар орасида Ироқ туркманлари вакиллари ҳам бор. Бугунги кунда ушбу ҳудуддаги оммавий қабрлардан жасад қолдиқлари чиқариб олиниб, ДНК текширувидан ўтказилмоқда ва шахслари аниқланмоқда.

ҲАМАС Ғазо секторида гуманитар ёрдамларни талон-тарож қилиш билан шуғулланган жиноий гуруҳларга қарши операция ўтказди. Хон Юнус ва Рафаҳда олиб борилган операция натижасида икки гуруҳга алоқадор 20 нафар қуролли шахс зарарсизлантирилди. Бу тўдаларнинг баъзилари ИШИД террор ташкилоти билан алоқада бўлган.

Ўзбекистон Давлат хавфсизлик хизмати ва Ички ишлар вазирлиги ИШИД сафига қўшилмоқчи бўлган 17 ёшли йигит ва унинг 16 танишини қўлга олгани хабар қилинди. Ҳали мактабни ҳам тамомламаган йигит қандай қилиб халқаро террористик ташкилот таъсирига тушиб қолиши мумкин? Билимсизликданми, назоратсизликданми? Ўзбекнинг ёш ўғлонининг бу йўлга киришида ким айбдор?