Франция разведкаси марказий осиёликлар устидан назоратни кучайтирди

Москвадаги терактдан қарийб бир ҳафта ўтиб, француз разведкаси Францияда оммавий терроризмнинг қайтишидан хавотирда, деб ёзмоқда Europe1 нашри.

Хабарда қайд этилишича, Франция ички хавфсизлик бош бошқармаси (DGSI) мамлакатга ҳарбий қуроллар ёки автомашиналар ёрдамида амалга ошириладиган оммавий терроризм қайтишидан хавотирда.

“Уч-тўрт кишидан иборат “уйқудаги ячейкалар” биноларда ухламоқда ва Афғонистон ҳудудидан масофадан туриб фаоллаштирилади. Терроризмга қарши кураш расмийлари Олимпиада очилиш маросими куни бутун дунё бўйлаб камералар олдида келишилган ҳужум сценарийсидан иложи борича қочишни истайди”, - дейилади хабарда.

Europe1 га кўра, Сена дарёси бўйлаб ўтказилиши режалаштирилаётган спортчилар парадининг ҳозирги форматини ўз ҳолича қолдириш жуда катта хавф туғдиради. "Биз “B” режасига ўтишимиз керак", деган разведка манбаси. Чунки Москвадаги ҳужумдан сўнг ИШИДнинг афғон бўлими жавобгарликни ўз зиммасига олган ва шу боис таҳдид даражаси ҳам қайта кўриб чиқилган.

“Ўтган ҳафтада биз одатда кузатадиган Марказий Осиё фуқаролари орасида катта тўпланиш кузатилди”, — дейилади хизматлар хабарида. Шу сабабли Франция разведкаси ўз сенсорларини Туркманистон, Қирғизистон ва Қозоғистон фуқароларига ёппасига нишонга олишга қарор қилди.