АҚШ Вакиллар палатасининг Демократик партиядан аъзоси Рашида Тлаиб Қўшма Штатларни геноцидга шерикликда айблади. Унинг таъкидлашича, исроил* 64 кундан бери инсонпарварлик ёрдамининг Ғазога киришига тўсқинлик қилмоқда. Уруш жиноятчиси Бинямин Нетаняху бутун Фаластин аҳолисини мажбуран чиқариб юбориш, этник тозалаш, Ғазони бутунлай вайрон қилиш ва уни аннексия қилишни назарда тутувчи режасини яширмаяпти.

Босқинчи исроил бош вазири Биньямин Нетаньяху Тель-Авивнинг Бат-Ям шаҳрида автобуслар портлаши ортидан террор армиясига Ғарбий Соҳилда кенг кўламли "ҳарбий операция" бошлашни буюрди.

Amnesty International инсон ҳуқуқлари халқаро ташкилоти фаолларининг янги ҳисоботида Ислоил фадастинликларни геноцид қилишда айбланди. "Amnesty International яна бир бор бутунлай ёлғон ва бўхтонга асосланган уйдирма ҳисобот тақдим этди", - дея эътироз билдирди Исроил ТИВ.

Исроил АҚШ ва қатор Европа мамлакатлари кўмагида 2023 йил 7 октябрдан бери Ғазода геноцид содир этмоқда. Одамлар бошпана сифатида фойдаланаётган тиббиёт ва таълим муассасаларига зарбалар берилмоқда, фуқаролик инфратузилмаси вайрон қилинмоқда. Исроилнинг қатлиомлари натижасида бир йил ичида 41 802 киши, жумладан 17 мингдан зиёд бола ва 11 378 аёл ҳалок бўлди. Исроил томонидан Ғазо секторида содир этилган 11 та қирғин.

2023 йил 7 октябрда дунё Исроилнинг Ғазо секторига бостириб киришни бошлаганига гувоҳ бўлди. Бугун, орадан роппа-роса бир йил ўтиб, кўпчилик, муболағасиз, Фаластин халқининг геноциди деб атайдиган фожиа кўламини тушуниш учун ортга қараймиз. 366 кун давом этган портлашлар, вайронагарчиликлар ва одамларнинг азоб-уқубатлари бир вақтлар ҳаёт қайнаган қирғоқ минтақасини вайроналарга айлантирди, бу ерда омон қолиш ҳар кунги жасоратга айланди.

Исроилга энергия ташувчиларини етказиб бераётган компания ва давлатлар Ғазодаги ҳарбий жиноятларга шерик сифатида айбланиши мумкин. Улар орасида Қозоғистон, Озарбайжон, Албания ва бошқа мамлакатлар бор.

Польша парламенти 1944 йилда қрим татарларининг депортация қилинишини геноцид акти деб тан олган резолюцияни қабул қилди. 1944 йил 18 майда Иосиф Сталин бошчилигидаги совет режими 200 мингдан зиёд қрим татарларини нацистлар билан ҳамкорликда айблаб, Марказий Осиё ва Сибирга сургун қилган. Мажбурий кўчирилганларнинг қарийб ярми сургуннинг оғир шароитларида очлик ва касалликдан вафот этган.

Lancet тиббиёт журналида эълон қилинган тадқиқот хулосаларига кўра, Ғазо секторида Исроил томонидан 186 минг нафардан ортиқ ёки анклав аҳолисининг 8 фоизи Исроил томонидан ўлдирилган бўлиши мумкин. Тадқиқот муаллифларининг фикрича, соғлиқни сақлаш муассасалари кенг миқёсда вайрон бўлгани, озиқ-овқат ва дори-дармонларнинг кескин танқислиги ҳамда ҳозирча тозалашнинг имкони бўлмаган вайроналар остида одамлар жасадлари қолиб кетгани туфайли ҳақиқий кўрсаткич анча юқори.

Канадада католик черкови жинсий ва жисмоний зўравонликка учраган 200 дан ортиқ жабрланувчига 76 миллион доллар товон пули тўлайдиган бўлди. Черков тасарруфидаги интернат мактабларида тарбияланган 150 мингдан ортиқ маҳаллий ҳинду болаларининг аксарияти руҳонийлар, роҳибалар ва бошқа ўқитувчилар томонидан жисмоний, жинсий ва руҳий зўравонлик ҳамда таҳқирлашларга дучор бўлган. Мактаблар ҳудудидан мингдан ортиқ бола кўмилган оммавий қабрлар топилган.

Жанубий Кореяда 5000 дан ортиқ киши Исроил бош вазири Беньямин Нетаняху, президент Исаак Герцог, ЦАХАЛ раҳбари Ҳалеви, мудофаа вазири Галлант, ташқи ишлар вазири Кац, молия вазири Смотрих ва миллий хавфсизлик вазири Бен Гвирдан иборат етти нафар юқори мартабали амалдорга нисбатан даъво қўзғатди. Улар геноцид, инсониятга қарши жиноятлар, инсонпарварлик ишларига қарши уруш жиноятлари ҳамда Ғазода тақиқланган қурол ва маблағлардан фойдаланган ҳолда уруш жиноятларини содир этишда айбланмоқда.