Amnesty International Исроилни геноцидда айблади

Ҳисобот муаллифлари ЦАХАЛнинг Ғазо секторидаги ҳаракатлари, ҳалок бўлганлар ва жароҳатланганлар сони, шунингдек, ҳарбий ҳаракатлар пайтидаги ҳалокат кўламини “диққат билан ва ҳар томонлама” ўрганиб чиқишди. 

"Биз фақат битта оқилона хулосага келишимиз мумкин: Исроилнинг мақсади Ғазодаги фаластинликларни жисмоний йўқ қилишдир, у ҲАМАСни йўқ қилиш ҳарбий мақсадига параллель равишда амалга ошириляптими ёки бу мақсадга эришиш воситаси сифатидами, аҳамиятсиз", деди Amnesty International  раҳбари Агнес Калламард.

Ҳисоботда ҲАМАСнинг 2023 йил 7 октябрда исроиллик тинч аҳолига ҳужуми «қонли» ва “даҳшатли жиноят” деб аталган. Шу билан бирга, қасддан оммавий қотиллик ва гаровга олиш “Исроилнинг Ғазодаги фаластинликларни геноцид қилишини ҳеч қандай тарзда оқлай олмайди”, деб таъкидлаган ҳисобот муаллифлари.

Исроил Ташқи ишлар вазирлиги ҳуқуқ ҳимоячиларининг хулосаларига изоҳ берди. "Amnesty International яна бир бор бутунлай ёлғон ва бўхтонга асосланган уйдирма ҳисобот тақдим этди", - дейилади вазирлик хабарида.

Ноябрь ўрталарида Human Rights Watch инсон ҳуқуқлари ташкилоти ҳам Ғазо секторидаги жанглар ҳақидаги ҳисоботини эълон қилганди. Унинг лойиҳасини ишлаб чиқувчилар Исроилни Ғазо секторида фаластинликларни оммавий равишда кўчиришда айблади. Исроил расмийлари эса айбловларни рад этди.

21 ноябрь куни Халқаро жиноят суди Исроил бош вазири Биньямин Нетаньяху ва собиқ мудофаа вазири Йоав Галантни ҳибсга олишга ордер берди. Уларнинг фикрича, Ғазо секторидаги ҳарбий жиноятларга алоқадор бўлиши мумкин. Нетаняху ва унинг шерикларини Исроил мухолифати ва АҚШ расмийлари қўллаб-қувватлади.