Европа иттифоқининг 14-санкциялар пакети Украинанинг ҳудудий яхлитлиги, суверенитети ва мустақиллигига путур етказувчи ёки таҳдид солувчи ҳаракатлар учун жавобгар бўлган 116 нафар жисмоний ва юридик шахсни ўз ичига олади. "Қора рўйхат"га Россия корхоналаридан ташқари, Қозоғистон, Қирғизистон ва Ўзбекистон компаниялари ҳам киритилган. Жумладан, Ўзбекистоннинг 3 та – Alfa Beta Creative LLC, GFK Logistics Asia LLC, Mvizion LLC компанияларига нисбатан жазо чоралари қўлланилган.

Европада бедарак йўқолган муҳожирлар ҳақида маълумот тўпловчи трансчегаравий журналистика лойиҳаси – “Lost in Europe” ҳайратланарли кўрсаткични ошкор қилди. Лойиҳа иштирокчиларининг аниқлашича, 2021-2023 йиллар оралиғида Европага келган 51 433 нафар бола бедарак кетган.

Вон дер Лейен, Ҳристодулидис ва Ливан бош вазири Неcип Микати ўтказган уч томонлама йиғилишдан сўнг Европа Иттифоқига келаётган қочқинлар сонини камайтириш учун келишув имзоланди. Унга кўра, ЕИ қочқинлар оқимининг олдини олиш эвазига Ливанга молиявий ва логистик ёрдам кўрсатади.

Европа Иттифоқининг ташқи сиёсат ва хавфсизлик бўйича олий вакили Жозеп Боррель ЕИнинг бир қанча давлатлари Фаластинни тан олиши мумкинлигини маълум қилди. ЕИ дипломатияси раҳбари қайси давлатлар муҳокама қилинаётганига аниқлик киритмади. Бироқ март ойида Испания, Ирландия, Мальта ва Словения биргаликда Фаластин давлатини тан олишга интилишларини эълон қилган эди.

Европа Иттифоқи Киев кутаётган Россия активларидан олинган 5 млрд евролик даромадни сақлаб қолишга қарор қилди. Ушбу маблағлар “юридик харажатларни қоплаш учун” ушлаб қолинадиган бўлди.

Financial Times Европа Иттифоқи Мисрга 2027 йил охиригача 7,4 млрд доллар ажратишга тайёрлигини хабар қилди. Европалик сиёсатчилар Ғазодаги можаро Миср иқтисодиётини қийин аҳволга тушириши, Судандаги келишмовчиликлар эса Шимоий Африка мамлакатидан Ўрта денгиз орқали ЕИ давлатларига қочқинлар оқимини келтириб чиқаришдан хавотирда.

Еврокомиссия ҳисоб-китобларига кўра, ЕИ давлатлари аҳолисининг учдан бир қисми сув танқислиги муаммосига дуч келмоқда. Келгусида ушбу муаммо сув ресурслари учун рақобатнинг кучайиши, трансчегаравий сув ресурслари бўйича давлатлар ичида ва ўртасидаги низоларга сабаб бўлиши мумкин, дейилади Politico қўлга киритган махфий ҳужжатда.

Европа Иттифоқи БМТнинг Яқин Шарқдаги фаластинлик қочқинларга ёрдам ва ишлар агентлигини (ЮНРВА) молиялаштириш давом этади ва келаси ҳафтада 50 миллион евро ажратилади. Исроилнинг ЮНРВА ходимлари 7 октябрь куни ҲАМАСга ёрдам берган ҳақидаги даъвоси бўйича ўрганиш ишлари якунига етди.

“Глобал жануб” билан муносабатлардаги муаммолар Ғарбнинг дунёдаги ҳукмронлиги даври ниҳоясига етганини кўрсатади, дея маълум қилди ЕИ бош дипломати Хосеп Боррел. Унинг фикрича, Ғарб, яъни АҚШ ва ЕИнинг Африка, Осиё ва Жанубий Америкадаги таъсири камайишидан Россия фойда кўради.

Европа Иттифоқи Украинага ўз бюджетидан 50 миллиард евро миқдорида қўшимча ёрдам пакетини келишиб олди. Ушбу ёрдам пакети Украинага 2024-2027 йилларда тақдим этилади.