АҚШ Суриянинг “Ҳайъат Таҳрир аш-Шом” (ҲТШ) гуруҳини хорижий террорчилик ташкилотлари рўйхатидан чиқаришини маълум қилди. Гуруҳ Сурияда 54 йил ҳукмронлик қилган Асад режимини ағдариб ташлаган исёнчиларга бошчилик қилган. Унинг раҳбари Аҳмад Аш-Шаръ эса энди мамлакатнинг вақтинчалик президенти ҳисобланади.

Америкалик машҳур тадбиркор Илон Маскнинг айтишича, АҚШда демократлар ва республикачилар ўртасидаги сунъий қарама-қаршилик ўрнига ҳақиқий халқ овозини акс эттирадиган янги бир партия – ҳақиқий мухолифат ташкил этиш лозим. Маск агар АҚШ президенти Дональд Трамп томонидан таклиф этилган "Ажойиб қонун лойиҳаси" деб номланган "аҳмоқона харажатлар" ҳақидаги қонун қабул қилинса, эртаси куни бу ишни ўзи амалга оширишини қўшимча қилган.

АҚШ президенти Дональд Трамп “Эрон ядровий қуролга жуда яқин” эканини биламан, деб айтди. Лекин у бундай маълумотни қаердан олди? Жавоб аниқ – буни унга Биньямин Нетаньяху айтган. АҚШ разведка идоралари Трампга нима деди? Уларнинг маълумотларига кўра, “Эрон ядровий қурол яратиш устида иш олиб бормаяпти ва олий раҳбар Оятулло Али Хоманаий 2003 йилда тўхтатилган бундай дастурга рухсат бермаган”. Қизиқ, Трамп ўзининг жосусларига ишонмайдими ёки ишонишни истамаяптими? – Пол Крейг Робертс, америкалик сиёсий таҳлилчи.

АҚШ президенти Доналд Трамп етти мусулмон мамлакат аҳолиси учун АҚШга киришни тақиқловчи фармонни имзолади. Тақиқ Эрон, Афғонистон, Яман, Ливия, Судан, Сомали ва Чад фуқароларига тегишли. Ҳужжатда бу чоралар АҚШнинг "терроризм"га қарши сиёсати билан боғлиқ экани айтилган.

Айрим таҳлилчиларининг фикрича, Трамп учта буюк давлат деб аталадиган АҚШ, Хитой ва Россиянинг ҳар бири ер шарининг ўзига хос қисмида ҳукмронлик қиладиган дунёни тасаввур қиляпти. Дунёнинг бундай қайта бўлиниши "XIX аср императорлик бошқаруви услубига қайтиш бўлади".

Ливия бош муфтийси Шайх Содиқ ал-Ғирёний араб давлатларининг АҚШ президенти Дональд Трампга катта миқдорда пул берганини танқид қилди. "Миллиардлаб пуллар Трампга шунчаки бериб юборилди. Ғазода очликдан ўлаётган болаларни қутқариш учун бир чақа ҳам сарфлашни исташмадилар", деган муфтий.

АҚШ президенти Дональд Трамп маъмурияти Гарвард университетига чет эллик талабаларни қабул қилишни тақиқлади. Энди нуфузли Америка IVY League таркибига кирувчи университет хорижликларга АҚШга талабалик визаларини олиш учун зарур ҳужжатларни бера олмайди. Гарвард университети маъмурлари Трамп маъмуриятининг ҳаракатларини ноқонуний ва қасоскор, шунингдек, университетнинг академик ва тадқиқот миссиясига путур етказиш, деб атаган.

Туркиянинг Диёрбакир шаҳридаги "Адолат ва Тараққиёт партияси" депутати ва "Улуғ" жоме масжидининг собиқ имоми Меҳмет Саид Яз АҚШ исроилга бераётган қуролларининг пулини араб давлатлари тўлаётганини айтди. Депутат исроилни қўллаб-қувватлаётган мусулмон давлатлар раҳбарларини танқид қилиб, улар "тахтини бутга айлантириб, имонини сотгани учун Аллоҳнинг жазосига йўлиқиши"ни қўшимча қилган.

АҚШ президенти Доналд Трампнинг маълум қилишича, у 15 майда Истанбулда Россия ва Украина ўртасида ўтказилиши режалаштирилган музокараларда шахсан ўзи қатнашиши мумкин. АҚШ етакчиси Эрдўғоннинг ажойиб мезбон эканлигини эътироф этган.

АҚШ президенти Дональд Трамп маъмурияти 43 та давлат фуқаролари учун мамлакат эшикларини ёпишни режалаштирмоқда. Бу давлатлар учта тоифа – «қизил», «тўқ сариқ» ва «сариқ»қа бўлинади. Ўзбекистон ушбу рўйхатда қайд этилмаган.