05.06.2025 10:20
68
Трaмп етти мусулмон давлат аҳолисига АҚШга киришни тақиқлади
АҚШ президенти Доналд Трамп етти мусулмон мамлакат аҳолиси учун АҚШга киришни тақиқловчи фармонни имзолади. Тақиқ Эрон, Афғонистон, Яман, Ливия, Судан, Сомали ва Чад фуқароларига тегишли.
Шунингдек, Эритрея, Бирма, Гаити ва Экваториал Гвинея фуқаролари ҳам қора рўйхатга киритилган.
Бурунди, Куба, Лаос, Сьерра-Леоне, Того, Венесуэла, Туркманистон фуқаролари учун эса қисман чекловлар жорий этилди.
Ҳужжатда бу чоралар АҚШнинг терроризмга қарши сиёсати билан боғлиқ экани айтилган.
Эслатиб ўтамиз, Трамп 47-президент сифатидаги илк нутқида АҚШга ноқонуний мигрантларнинг кириб келишини тўхтатиш ва миллионлаб мигрантларни мамлакатдан чиқариш жараёнини бошлашга ваъда берганди.
Аввалроқ, Ўзбекистон ҳукумати ватандошларимизнинг АҚШдан виза олишини енгиллаштириш бўйича сўров юбормоқчи эканлиги айтилганди.
