1 июлдан БМТ Хавфсизлик Кенгашига раислик бир ой муддатга Россияга ўтди. Россия раислигидаги асосий тадбирлар ой ўрталарида бўлиб ўтиши кутилмоқда ҳамда улар янада адолатли, демократик ва барқарор дунё тартибини барпо этиш, Яқин Шарқдаги вазиятни тартибга солиш, шунингдек, БМТнинг КХШТ, МДҲ ва ШҲТ билан ҳамкорлигига бағишланади.

БМТ Бош Aссамблеяси бугун, 10 май куни Фаластиннинг тўлақонли аъзолик масаласини кўриб чиқмоқда. AҚШ Фаластиннинг БМТга тўлақонли аъзо бўлишини талаб қилувчи резолюцияга 18 апрел куни вето қўйганидан сўнг, БМТ Бош Aссамблеяси БМТ Хавфсизлик Кенгашининг ушбу масалани қайта кўриб чиқиши ва Фаластинга қўшимча ҳуқуқлар беришини талаб қилувчи резолюция лойиҳасига овоз беради.

АҚШ Фаластиннинг БМТга тўлиқ аъзолиги ҳақидаги резолюция лойиҳасига вето қўйди. БМТ Хавфсизлик Кенгашига аъзо 12 давлат лойиҳага «маъқул» овоз берди, Буюк Британия ва Швейцария бетараф қолди.

БМТ Хавфсизлик Кенгаши 7 октябрдан буён илк бор Ғазода ўт очишни тўхтатишни талаб қилувчи резолюцияни қабул қилди. Ушбу қарор фақат Рамазон ойида Ғазода зудлик билан ўт очишни тўхтатишга чақиришига қарамасдан, доимий ва барқарор сулҳга олиб келиши мумкин.

Россия ва Хитой БМТ Хавфсизлик Кенгаши йиғилишида АҚШ таклиф қилган Ғазо секторида ўт очишни тўхтатиш бўйича дипломатик саъй-ҳаракатларни қўллаб-қувватлашга қаратилган резолюцияга вето қўйди. Россия вакили АҚШ ташаббусини иккиюзламачилик деб атаб, бундан кейин ўт очишни талаб қилмайдиган ва ҳеч қаерга олиб бормайдиган маъносиз резолюциялар қабул қилинмаслигини таъкидлади.

Туркиянинг Анталия вилоятида бўлиб ўтган 3-дипломатик форум иштирокчилари БМТ, БМТ Хавфсизлик Кенгаши ислоҳотга муҳтож экани, улар дунёда рўй бераётган ўзгаришлар фонида турғунлик ҳолатида экани ҳамда қуролли можароларда тобора кўпроқ тинч аҳоли вакиллари қурбон бўлаётганини таъкидлашди.

Жазоир БМТ Хавфсизлик Кенгашига Ғазода зудлик билан ўт очишни тўхтатиш бўйича резолюция лойиҳасини тақдим этди. Сешанба куни Хавфсизлик кенгашида овозга қўйилиши кутилаётган мазкур ташаббусга АҚШ қарши чиқди.

БМТ Хавфсизлик Кенгаши ҳусийларнинг Қизил денгиздаги ҳужумларини зудлик билан тўхтатишни талаб қилувчи резолюция лойиҳасини қабул қилди.

БМТ Хавфсизлик Кенгаши ўтган ҳафта бир неча кечикишлардан сўнг Ғазога гуманитар ёрдамни кўпайтириш бўйича резолюцияни қабул қилди.

АҚШ Ғазога етказиладиган ёрдамларни назорат қилишига қарши чиқаётгани учун БМТХК резолюцияси учинчи марта қабул қилинмади.