БМТ Бош Ассамблеяси Фаластиннинг тўлақонли аъзолигини қайта кўриб чиқмоқда
Резолюцияда қайд этилишича, Фаластин БМТ Низомининг 4-моддасига мувофиқ БМТга аъзолик мезонларига жавоб беради ва шунинг учун БМТ аъзолигига қабул қилиниши керак. Шунингдек, БМТ Хавфсизлик Кенгашига ушбу контекстда масалани “ижобий йўналишда” қайта кўриб чиқиш тавсия этилади.
Фаластиннинг Бош Aссамблея сессияларида, БМТ органлари томонидан ташкил этиладиган йиғилишларда ва БМТ конференцияларида иштирок этишини таъминлаш учун муайян қоидаларни қабул қилишга чақиради.
Резолюция лойиҳаси Иқтисодий ва Ижтимоий Кенгашни ушбу келишувларни “Кенгашда Фаластин иштирокисиз” амалга оширишга чақиради ва буни БМТнинг бошқа органлари, махсус агентликлари ва БМТ тизимидаги ташкилотларига ҳам татбиқ этишни талаб қилади.
Шу билан бирга, Фаластин халқининг ўз тақдирини ўзи белгилаш ва давлатчилик ҳуқуқи ҳақида сўз боради ҳамда БМТ Бош котибини резолюцияни амалга ошириш учун зарур чораларни кўришга чақиради.
Резолюция лойиҳаси иловасида Фаластин талаб қилаётган айрим шартлар санаб ўтилган. Жумладан:
- аъзо давлатлар ўртасида алифбо тартибида ўтириш ҳуқуқи,
- Фаластин ва Яқин Шарқ масалаларидан ташқарида ташкил этилган сессияларда маърузачи бўлиш ҳуқуқи,
- гуруҳ номидан баёнот бериш ҳуқуқи,
- таклифлар ва тузатишлар киритиш ҳуқуқи,
- ҳуқуқ таклифларни овозга қўйиш,
- БМТ Бош Aссамблеяси қўмиталарига Фаластин делегацияси аъзоларини сайлаш,
- БМТ конференциялари ва халқаро тадбирларда фаол иштирок этиш ҳуқуқи шулар қаторидан ўрин олган.
Фаластиннинг БМТга тўлиқ аъзо бўлишга ҳаракат қачондан бошланди?
2011 йилда Фаластин ҳам БМТга тўлақонли аъзо бўлиш учун ариза берган, бироқ БМТ Хавфсизлик Кенгашида керакли ёрдамни олмаган. 2012 йилда Фаластинга БМТда “доимий кузатувчи мақоми” берилди.
Жорий йил 2 апрел куни Фаластиннинг БМТдаги доимий вакили Риёд Мансур БМТ Бош котиби Aнтониу Гутерришга аъзолик аризасини қайта кўриб чиқишни сўраб мактуб йўллади.
8 апрел куни БМТ Хавфсизлик Кенгаши Фаластиннинг сўровини “Янги аъзоларни қабул қилиш қўмитаси”га ҳавола қилди. Aъзолик масаласида икки йиғилишдан сўнг келишувга эриша олмагани эълон қилинди.
Шундан сўнг, 18 апрел куни Жазоир БМТ Хавфсизлик Кенгашига Фаластинни ташкилотга аъзоликка қабул қилиш тўғрисидаги резолюция лойиҳасини тақдим этди. AҚШ резолюция лойиҳасига вето қўйди.
.png)
Мавзуга алоқадор
-
БМТ Бош Ассамблеяси Фаластинни қўллаб-қувватловчи 5 та резолюцияни қабул қилди. Улар орасида фаластинликларга ёрдам бериш, ишғол қилинган ҳудудларда яҳудий аҳоли пунклари билан боғлиқ резолюциялар бор.
-
Дунёга машҳур кўплаб галереялар ижодкорларнинг Исроил-Фаластин масаласидаги позициялари туфайли кўргазма, тақдирлаш маросимлари ва рассомлар билан бўлажак келишув музокараларини бекор қилмоқда.
