Дунёнинг 18-энг йирик иқтисодиётига эга Миср фунти 60 фоизга қадрсизланди, Марказий банк асосий ставкани 600 базис пунктига ёки 27,25 фоизгача оширди. ХЖВ мамлакатга 8 млрд доллар фавқулодда кредит ажратмоқчи. Мисрдаги бу каби муаммолар дунё ва минтақа учун нимаси билан хавфли? Дастлабки хулосалар ва прогнозлар қандай?

Исроил Ғазога ҳужум қилганига роппа-роса беш ой бўлди. Урушнинг энг сўнгги кунининг муҳим хабарлари дайжести.

Саудия Арабистони Украинага иссиқ кўрпа, гигиена воситалари ҳамда 20 дан 400 кВт гача бўлган 135 та генератордан иборат 100 млн долларлик гуманитар ёрдам жўнатди. Саудия Украинага биринчи марта ёрдам бераётгани йўқ. Октябрь ойида мамлакат Киевга 400 млн доллар ажратганди.

Шахмат бўйича 13-жаҳон чемпиони Гарри Каспаров Россиянинг "террорист ва экстремистлар" рўйхатига киритилди. Тегишли қарор Росфинмониторинг томонидан 6 март куни қабул қилинди.

Хива шаҳрига “Ислом оламининг 2024 йилги сайёҳлик пойтахти” сертификатини топширилди. 2024 йил май ойида ушбу шаҳарда Ислом ҳамкорлик ташкилоти (ИҲТ) туризм вазирларининг 12-сессияси, Taste of Uzbekistan Festival гастрономик фестивали, Паҳлавон Маҳмуд хотирасига бағишланган «Strongmen» халқаро баҳодирлар ўйини мусобақаси, «Халқаро зиёрат туризми ҳафталиги» ва бошқа тадбирлар ўтказилиши белгиланган.

Ўзбекистон мусулмонлари идораси Фатво марказининг милодий 2024 / ҳижрий 1445 йилги Рамазон ойи учун закот нисоби, фитр садақаси ва фидя миқдори бўйича қарорлари қабул қилинди.

Австриянинг “Социал Австрия келажаги” (SÖZ) партияси Вена туманларидан бирининг кўчаларини Рамазон муносабати билан безатишни таклиф қилиб чиқди. Бироқ ушбу таклиф бошқа партияларга ёқмади ва сиёсий қарама-қаршиликни келтириб чиқарди. 200 минг мусулмон яшайдиган Венада Ислом 560 минг киши эътиқод қиладиган католик динидан кейинги иккинчи йирик дин ҳисобланади.

Туркия қуролли кучлари Ироқ шимолида мамлакатда тақиқланган Курдистон ишчилар партияси (ПКК) жангариларига қарши кенг кўламли қуруқликдаги ҳарбий операция ўтказишни режалаштирмоқда. Анқара Ироқ билан чегаранинг барча 378 километрини ПКК жангариларидан бутунлай тозаламоқчи.

Исроил компаниялари апрель ойида Чилида бўлиб ўтадиган FIDAE-2024 ҳарбий ва аэрокосмик техника халқаро кўргазмасида иштирок эта олмайди. Аввалроқ Чили президенти Габриел Борик Исроилнинг Ғазо секторидаги ҳаракатларини танқид қилган эди. Ноябрь ойида эса расмий Сантьяго Тел-Авивдан элчисини чақириб олганди.

Ўзбекистон мусулмонлари идораси таровеҳ намозининг ҳудудларда ўқиладиган вақтларини эълон қилди. Намозлар 10 март, якшанба куни хуфтон намозидан сўнг бошланади.