Google Саудия Арабистонида сунъий интеллект маркази очади
Google технология гиганти Саудия Арабистонида сунъий интеллектга йўналтирилган янги маълумотлар марказини очади.
Саудия Арабистони Суверен жамғармаси ва Google томонидан эълон
қилинган баёнотга
кўра, янги сунъий интеллект маркази араб тилидаги сунъий интеллект моделлари ва Саудия Арабистонига хос
сунъий интеллект иловалари бўйича тадқиқотларни қўллаб-қувватлайди.
Баёнотда ушбу тадқиқотлар тафсилотлари ёки мақсадлари
аниқланмаган. Бироқ ишланмалардан Саудия Арабистони иқтисодиёти учун нефть ва
табиий газ ишлаб чиқариш каби муҳим соҳаларда фойдаланиш мумкинлиги тахмин
қилинмоқда.
Aramco давлат
нефть компанияси ўз фаолиятида аллақачон сунъий интеллектдан фойдаланмоқда. Маълум
қилинишича, сунъий
интеллект иловаларидан фойдаланиш Aramco нефть конларидан бирида ишлаб чиқариш
ҳажмини 15 фоизга оширишга ёрдам берган.
Сўнгги йилларда Саудия Арабистони ўз иқтисодиётини нефть ва
табиий газдан диверсификация қилишга интилмоқда. Ушбу ташаббусларда технологияга инвестициялар муҳим
ўрин тутади.
Мавзуга алоқадор
-
АҚШ Давлат департаменти буюртмаси асосида тайёрланган ҳисоботда сунъий интеллект одамзодга таҳдид солаётгани, энг ёмон сценарийда инсониятнинг йўқ бўлиб кетишига сабабчи бўлиши айтилган. Ҳисоботда унинг хатарларини камайтириш бўйича чоралар, жумладан, махсус Федерал агентлик ташкил этиш, кучли моделлар тафсилотларини оммага ошкор қилишни тақиқлаш ва СИ хавфсизлиги бўйича тадқиқотларни молиялаштириш таклиф қилинди.
-
Google ходимлари Нью-Йорк ва Калифорниянинг Саннивейл шаҳарларида Исроил билан ҳамкорликни тўхтатишни талаб қилиб намойишга чиқди. Ўн соатлик намойишлар ортидан бир қанча фаоллар полиция томонидан ҳибсга олинди.
