Prezident Serdar Berdimuhamedov mamlakatning jazoni oʻtash muassasalarida saqlanayotgan 321 fuqaro afv etilishi toʻgʻrisida farmonni imzolab, huquq-tartibot organlari rahbarlariga afv etilgan shaxslarning oʻz vaqtida oilalariga qaytishini tashkil etish boʻyicha topshiriq berdi.

Buyuk Britaniya razvedkasi Ukraina urushida Rossiya harbiylarining ulkan yoʻqotishlariga oid soʻnggi maъlumotlarni eъlon qildi. Bu Ikkinchi jahon urushidan beri eng katta yoʻqotish hisoblanishi qayd etilgan.

Soʻnggi bir necha oylik tanaffusdan soʻng, HAMAS qurolli qanoti Tel-Avivga raketa hujumini amalga oshirdi. Bu hujum Isroilning Gʻazo sektoridagi tinch aholiga qarshi olib borgan harbiy operatsiyalariga javob sifatida tashkil etilgani aytilmoqda.

Isroilning Suriya janubiga bostirib kirishi uning davom etayotgan suv ambitsiyalaridan darak beradi. Hisobotlar shuni koʻrsatadiki, sionistik rejim hozirda Suriya va Iordaniyadagi umumiy suv resurslarining 40 foizini nazorat qiladi. Jumladan, dekabrda Yarmuk havzasidagi Al-Vahda toʻgʻonini qoʻlga kiritgach, Isroil kuchlari Al-Mantara toʻgʻoni tomon yurdi.

Frantsiya parlamentida sport tadbirlarida diniy ramzlar, jumladan, musulmon ayollarining hijob oʻrashiga cheklov qoʻyuvchi qonun loyihasi muhokamaga qoʻyildi. Bu qaror jamiyatda katta munozaralarga sabab boʻlib, inson huquqlari faollari va musulmonlar jamoasi vakillari tomonidan keskin tanqid qilinmoqda.

Eron AQSh prezidenti Donald Trampning Oyatulloh Ali Xomaneiyga yoʻllagan maktubiga tez orada rasmiy javob berishi kutilmoqda. Tashqi ishlar vaziri Abbos Aroqchiyning maъlum qilishicha, Tehron bosim va tahdidlar ostida muzokaralar olib bormaydi.

Kecha tunda AQShning Yamanning bir nechta viloyatlariga, jumladan, poytaxt Sano shahriga uyushtirgan havo hujumlari natijasida bir necha kishi, jumladan, etti ayol va ikki bola halok boʻldi. Shiddatli bombardimonlarga qaramay, Husiylar Isroil va AQSh kemalarini Qizil dengizda taъqib qilishda davom etishlarini maъlum qilishdi.

Yangi eъlon qilingan World Happiness Report 2025 natijalariga koʻra, Oʻzbekiston eng baxtli mamlakatlar reytingida 6 pogʻona pastlab, 53 oʻringa tushdi. Markaziy Osiyoda Qozogʻiston 43 oʻrin bilan etakchilik qilmoqda. Finlyandiya esa sakkizinchi yil ketma-ket dunyodagi eng baxtli davlat deb topildi.

Istanbul meri va yana 105 kishi hibsga olingan tergov jarayoni fonida, Turkiya rasmiylari muxolifatning bosimi va tarqatilayotgan asossiz maъlumotlar haqida ogohlantirdi. Faxriddin Altun sud mustaqilligiga putur etkazishga urinayotgan harakatlarni tanqid qilib, fuqarolarni faqat rasmiy manbalarga ishonishga chaqirdi.

Maariv nashriga koʻra, isroil HAMASga bosim oʻtkazish maqsadida Gʻazodagi harbiy amaliyotlarni kuchaytirishga qaror qildi. Yaqin kunlarda yangi hujumlar quruqlikdan amalga oshirilishi mumkin. Agar isroil armiyasi Gʻazoga kirsa, u erda uzoq vaqt qolishi ehtimoli bor.