Oʻzbekiston baxtli mamlakatlar reytingida 53 oʻrinda

Oʻzbekiston 2025 yil uchun eъlon qilingan World Happiness Report reytingida 6 pogʻona pastlab, 53 oʻrinni egalladi. Markaziy Osiyo davlatlari orasida esa Qozogʻiston 43 oʻrin bilan etakchilik qilmoqda.

Dunyodagi eng baxtli mamlakat sifatida Finlyandiya sakkizinchi yil ketma-ket birinchi oʻrinni egalladi. Undan keyin Daniya, Islandiya, Shvetsiya va Niderlandiya joylashgan. Markaziy Osiyo davlatlari orasida Qozogʻiston eng yaxshi natija qayd etgan. Qirgʻiziston 75, Tojikiston esa 90 oʻrinni egalladi.

Germaniya, Buyuk Britaniya va AQSh mos ravishda 22, 23 va 24 oʻrinlarda joylashgan. Reytingda jami 147 ta mamlakat ishtirok etgan boʻlib, soʻnggi oʻrinlarni Livan, Serra-Leone va Afgʻoniston band etgan.

Eslatib oʻtamiz, 2024 yilda Oʻzbekiston 47 oʻrinni egallab, MDH davlatlari orasida eng yuqori natijaga erishgandi. Tadqiqotga koʻra, mamlakatda eng baxtli qatlam keksalar boʻlsa, eng baxtsiz qatlam 30−44 yoshdagi aholi qatoriga kiradi.

Reyting BMTning Barqaror rivojlanish echimlarini izlash boʻyicha boʻlinmasi tomonidan har yili eъlon qilinadi. Unda aholi daromadlari, sogʻliqni saqlash, ijtimoiy qoʻllab-quvvatlash, bandlik, korruptsiya darajasi, xavfsizlik va kelajakka ishonch kabi omillar hisobga olinadi.