Turkiya Milliy mudofaa vazirligi yanvarʻ oyida ham Isroilga porox, portlovchi moddalar, oʻq-dori va qurol eksport qilishda davom etgani haqidagi xabarlarni rad etib, faqat “ov miltigʻi ehtiyot qismlari va baliqchilik vositalari (garpun va boshqa)” sotilganini bildirdi. “Turkiya Milliy mudofaa vazirligi Isroil bilan harbiy taʻʻlim, mashgʻulotlar va mudofaa sanoati sohasida hamkorlikni oʻz ichiga olgan hech qanday qoʻshma faoliyat olib bormaydi”, - deyiladi bayonotda.

Suriyadagi terrorchilar safida jang qilib, jiddiy jarohatlangan 24 yoshli oʻzbekistonlik fevralʻ oyida Oʻzbekistonga deport qilingan edi. U sud qilinib, 6 yilga qamaldi.

Oʻzbekiston Qonunchilik palatasi Umra ziyoratini huquqiy jihatdan tartibga solish boʻyicha qonun loyihasini birinchi oʻqishda qabul qildi. Unga koʻra, ziyoratni tashkil etish va oʻtkazish bilan bogʻliq faoliyat uchun litsenziya turi joriy etiladi.

Jidda shahridagi bosh konsul lavozimida ishlab kelgan Nodirjon Turgʻunov Oʻzbekistonning Saudiya Arabistonidagi favqulodda va muxtor elchisi etib tayinladi.

Turkiyada Rosatom ishtirokida Akkuyu AES qurilishiga qarshi “ayrim kuchlar toʻgʻridan-toʻgʻri, ochiq va yashirin” bosimlar oʻtkazayotgani aytildi. Anqara tashqi bosimlarga qaramasdan, birinchi reaktorni joriy yil oxirigacha ishga tushirishni rejalashtirmoqda.

Qirgʻiziston prezidenti Sadir Japarov mart voqealarining 19 yilligi munosabati bilan qirgʻiz xalqiga murojaat yoʻlladi. U 2005 yil 24 martda qirgʻiz xalqi shaxsiy manfaatni xalq manfaatidan ustun qoʻyganlarni jazolash orqali tarixiy burilish yasaganini taʻʻkidladi.

“Krokus Siti Xoll”da sodir boʻlgan teraktda ofitsiant boʻlib ishlovchi Oʻzbekiston fuqarosi Komil Nasibov 100 dan ziyod insonni qutqarib qoldi.

Afgʻoniston razvedka xizmati Qandahordagi bank binosida xudkushlik hujumini Oʻzbekiston fuqarosi Asadbek Madiyarov amalga amalga oshirganini maʻʻlum qildi. U teraktdan ikki oy oldin Pokistonning Balujiston viloyatiga etib kelgan va u erda IShID-Xuroson asosiy oʻquv lagerlaridan birida tayyorgarlikdan oʻtgan.

Krokus Siti Xoldagi teraktda 100 dan ziyod insonning hayotini saqlab qolgan 15 yoshli qirgʻizistonlik Islom Xalilovga Rossiya musulmonlarining oliy mukofoti topshirildi. Shuningdek, unga Moskvaning “Spartak” jamoasi familiyasi yozilgan futbolka va barcha uy uchrashuvlari uchun aboniment tortiq qildi. Musiqachi Morgenshtern esa bolaga 1 mln rublʻ yubordi.

Qozogʻiston Qatar bozoriga halol va organik qishloq xoʻjaligi mahsulotlarini etkazib berishga tayyorligini bildirdi. Shuningdek, ikki davlat oʻrtasida 17,6 mlrd dollarlik yirik va strategik ahamiyatga ega investitsiya loyihalar amalga oshirilishi maʻʻlum qilindi.