Oʻzbekistonning Saudiya Arabistonidagi elchisi tayinlandi
Foto: Nodirjon Turgʻunov.
Jidda shahridagi bosh konsul lavozimida ishlab kelgan Nodirjon Turgʻunov Oʻzbekistonning Saudiya Arabistonidagi favqulodda va muxtor elchisi etib tayinladi.
26 mart
kuni Oʻzbekistonning Saudiya Arabistoniga yangi tayinlangan favqulodda va muxtor
elchisi Nodirjon Turgʻunov Ar-Riyodga bordi, deya xabar berdi «Dunyo» axborot
agentligi.
Maʻʻlum
qilinishicha, 49 yoshli diplomat Toshkent davlat sharqshunoslik institutini (hozirda –
Toshkent davlat sharqshunoslik
universiteti) tamomlagan. Mehnat faoliyatini maktabda oʻqituvchilikdan
boshlagan.
Xususiy tuzilmalarda tarjimon sifatida, shuningdek,
Oʻzbekiston xorijiy mamlakatlar bilan doʻstlik va madaniy-maʻʻrifiy aloqalar
jamiyatlari kengashida faoliyat
koʻrsatgan. 2016 yildan beri Tashqi ishlar vazirligi tizimida ishlab kelmoqda.
Oʻtgan yillar davomida TIVning Konsullik-huquqiy
departamentida turli lavozimlarda faoliyat olib borgan. 2019−2021 yillarda
Oʻzbekistonning Oqtov shahrida (Qozogʻiston), 2021−2024 yillarda esa Jidda shahrida
(Saudiya Arabistoni) bosh konsul boʻlib ishlagan.
Nodirjon Turgʻunov 2018—2024 yillarda Oʻzbekistonning Saudiya
Arabistonidagi elchisi va Islom hamkorlik tashkilotidagi doimiy vakili
lavozimlarida ishlagan Ulugʻbek Maqsudov oʻrnini egalladi.
Mavzuga aloqador
-
Turkiyada kirish vizasi evaziga Frantsiya tashqi razvedkasi foydasiga josuslik qilgan uch nafar suriyalik qoʻlga olindi. Ular Turkiyaga qarshi soxta hujjatlar tayyorlash va Turkiyaning migratsiya siyosati haqida xorijiy razvedka idoralariga maʻʻlumotlar taqdim etish bilan shugʻullangan.
-
Oʻzbekistonda dunyoviy davlatchilik xavf ostida qolmoqda. Jamiyat va davlatdagi Eltuz kabi radikal ateizm tarafdorlari shunday tahdidni keltirib chiqarmoqda. Bugun sobiq kommunistik tuzum mafkurasi bilan zaharlangan, islomofobiya kabi buzgʻunchi gʻoyalar taʻʻsiriga tushib qolgan, radikal ateizm kabi yot gʻoyalarga aldangan shaxslar oyoqlanib, jamiyatimizda tinchlik va totuvlikka rahna solmoqda.
