Jahon miqyosida turk seriallariga boʻlgan talab oxirgi uch yilda 183 foizga ortib, umumiy 1 mlrd kishiga etdi. 2023 yilda Turkiya serial ishlab chiqarish boʻyicha AQSh va Britaniyadan keyingi uchinchi davlatga aylandi. Serial eksportidan tushgan daromad esa 600 mln dollarga etgani, yaqin orada bu raqam 1 mlrd dollardan ortishi taxmin qilinmoqda.
“Tolibon” tomonidan qurilayotgan 285 kilometrlik Qoʻshtepa kanali Amudaryodan har yili 4-4,5 kub kilometr yoki 12-13 foiz suvni oladi. Bu esa Oʻzbekiston va Turkmanistonda suv taʻʻminotini 80 foizdan 65 foizga tushishiga olib keladi. Afgʻonistonning hech bir xalqaro transchegaraviy hujjatni imzolamagani muzokaralarni qiyinlashtirayotgani aytildi.
Ozarbayjon prezidenti Ilhom Aliev agar bir yil ichida mamlakat delegatsiyaning ovoz berish huquqi tiklanmasa, Boku Evropa Kengashidan toʻliq chiqish masalasini jiddiy koʻrib chiqishi mumkinligini taʻʻkidladi.
Istanbulda Islom Hamkorligi Tashkiloti axborot vazirlarining navbatdan tashqari yigʻilishi Isroil dezinformasiyasiga qarshi kurashishga kelishib olindi. Yigʻilishda Oʻzbekistondan ham vakil ishtirok etdi.
Qirgʻiziston uran va toriy konlarini qidirish va oʻzlashtirishga qoʻyilgan taqiqni bekor qilishni taklif qilmoqda. Taqiq 2019 yil dekabrida “uran mojarosi”dan keyin joriy qilingan edi.
Turkmanobod shahrida Oʻzbekiston-Turkmaniston qoʻshma demarkatsiya komissiyasi ishchi guruhlarining navbatdagi yigʻilishi boʻlib oʻtdi. Uchrashuvda 1650 kilometrlik umumiy chegarani demarkatsiya qilish boʻyicha muzokaralar davom ettirildi.
«Rosatom» davlat korporatsiyasi bosh direktori Aleksey Lixachev Turkiya hukumati mamlakatdagi ikkinchi atom elektr stantsiyasi qurilishini “Rosatom”ga ishonib topshirish toʻgʻrisida siyosiy qaror qabul qilganini bildirdi. Hozirda Rossiya Turkiyada "Akkuyu" AES qurilishini davom ettirmoqda. AES 2025 yil oʻrtalarida ishga tushiriladi.
Qirgʻiziston bosh vaziri Akilbek Japarov ajrashgan ayollarga ijtimoiy tarmoqlarda sobiq eri va uning oilasi haqida salbiy chiqishlar qilishni taqiqlash taklifini ilgari surdi. U oʻz taklifini bunday chiqishlar qirgʻiz xalqi anʻʻana va qadriyatlariga zidligi bilan izohladi.
Turkiyada kirish vizasi evaziga Frantsiya tashqi razvedkasi foydasiga josuslik qilgan uch nafar suriyalik qoʻlga olindi. Ular Turkiyaga qarshi soxta hujjatlar tayyorlash va Turkiyaning migratsiya siyosati haqida xorijiy razvedka idoralariga maʻʻlumotlar taqdim etish bilan shugʻullangan.
Qozogʻiston prezidenti Qosim-Jomart Tokaev Oʻzbekiston tashqi ishlar vaziri Baxtiyor Saidovni qabul qildi. Suhbat chogʻida, jumladan, suv xoʻjaligi sohasida hamkorlik va Markaziy Osiyoda mintaqaviy xavfsizlikni taʻʻminlash masalalari muhokama qilindi.