Frantsiya razvedkasi Markaziy Osiyo davlatlari fuqarolari ustidan nazoratni kuchaytirdi. Moskvada sodir etilgan terakdan soʻng mamlakatda markaziy osiyoliklarning “katta toʻplanishlari” qayd etilgan. Shu sababli frantsuz razvedkasi oʻz eʻʻtiborini Turkmaniston, Qirgʻiziston va Qozogʻiston fuqarolariga yoppasiga qaratishga qaror qildi.
Shinjon-Uygʻur avtonom rayoni Xalq hukumati raisi Erkin Tuniyaz Oʻzbekistonga tashrif buyurib, prezident Shavkat Mirziyoev va bosh vazir Abdulla Aripov bilan uchrashdi. Uchrashuvlarda Oʻzbekiston va Xitoy oʻrtasidagi savdoning 10 foizi ShUAR hissasiga toʻgʻri kelishi, ushbu hudud bilan hamkorlikdagi investitsiya loyihalari portfeli 3,5 mlrd dollarni tashkil etishi maʻʻlum qilindi.
Turkiya AQSh Mudofaa vazirligiga M107 gaubitsalari uchun 116 ming dona 155 mm snaryad etkazib beradi. Ushbu snaryadlar Vashington tomonidan Ukrainaga etkazib berilgan snaryadlar oʻrnini egallashi kerak.
Frantsiya va Belʻgiyada PKK tarafdorlari tomonidan Turkiya fuqarolari, turk mavzelar, masjid, madaniyat markazlari va boshqa muassasalariga hujumlar sodir etildi. Germaniyada Turkiya Bosh konsulxonasi binosiga bosqin uyushtirildi. Frantsiyadagi aeroportda esa PKK aʻʻzosi Firaz Korkmazning Turkiyaga ekstraditsiyasiga qarshi guruh tartibsizlik uyushtirdi. Jarohatlanganlar bor.
Qozogʻiston AQShning energetika kompaniyalari bilan 2032 yilgacha uran etkazib berish boʻyicha shartnomalar tuzdi. Maʻʻlumotlarga koʻra, Qozogʻiston jahon uran zaxiralarining 12 foiziga ega va 2022 yilda 21 ming tonnaga yaqin uran ishlab chiqargan, bu oʻsha yili jahon miqyosidagi ishlab chiqarishning 43 foizini tashkil etgan.
Yanvarʻ-fevralʻ oylarida Oʻzbekiston tashqi savdo aylanmasi oʻtgan yilning shu davriga nisbatan qariyb 1 mlrd dollarga yoki 10,5 foizga oʻsib, 9,92 mlrd dollarni tashkil etdi. Turkiya, Qozogʻiston va Qirgʻiziston bilan savdo aylanmasi hajmi qisqardi. Pokiston birinchi marta Oʻzbekiston meva-sabzavotlarining asosiy bozoriga aylandi.
“Krokus Siti Xoll”da sodir boʻlgan teraktdan soʻng Rossiyada Markaziy Osiyo davlatlari bilan vizasiz rejimni bekor qilishga chaqiriqlar yangramoqda. Ushbu takliflar ijtimoiy tarmoqlardan davlat darajasiga koʻtarilgan. Ekspertlar - vizasiz rejimning bekor qilinishi ehtimollari va oqibatlari toʻgʻrisida.
Oʻzbekistonning Istanbuldagi Bosh konsulxonasi yanvarʻ-fevralʻ oylarida 163 nafar Oʻzbekiston fuqarosi Turkiyaga kiritilmagani, ularning 54 nafari muqaddam Turkiyaga kelib, qonunbuzarlik sodir etib kirishiga taqiq qoʻyilganlar ekanini maʻʻlum qildi. Shuningdek, Turkiya huquq-tartibot idoralari xodimlari oʻzbekistonliklarga qoʻpol muomalada boʻlayotgani haqidagi shikoyatlar ham kelib tushayotgani aytildi.
Turkiya Milliy mudofaa vazirligi yanvarʻ oyida ham Isroilga porox, portlovchi moddalar, oʻq-dori va qurol eksport qilishda davom etgani haqidagi xabarlarni rad etib, faqat “ov miltigʻi ehtiyot qismlari va baliqchilik vositalari (garpun va boshqa)” sotilganini bildirdi. “Turkiya Milliy mudofaa vazirligi Isroil bilan harbiy taʻʻlim, mashgʻulotlar va mudofaa sanoati sohasida hamkorlikni oʻz ichiga olgan hech qanday qoʻshma faoliyat olib bormaydi”, - deyiladi bayonotda.
Suriyadagi terrorchilar safida jang qilib, jiddiy jarohatlangan 24 yoshli oʻzbekistonlik fevralʻ oyida Oʻzbekistonga deport qilingan edi. U sud qilinib, 6 yilga qamaldi.