Shinjon-Uygʻur avtonom rayoni Xalq hukumati raisi Oʻzbekistonga tashrif buyurdi

Shinjon-Uygʻur avtonom rayoni Xalq hukumati raisi Erkin Tuniyaz Oʻzbekistonga tashrif buyurib, prezident Shavkat Mirziyoev va bosh vazir Abdulla Aripov bilan uchrashdi. Uchrashuvlarda Oʻzbekiston va Xitoy oʻrtasidagi savdoning 10 foizi ShUAR hissasiga toʻgʻri kelishi, ushbu hudud bilan hamkorlikdagi investitsiya loyihalari portfeli 3,5 mlrd dollarni tashkil etishi maʻʻlum qilindi.

Oʻzbekiston prezidenti Shavkat Mirziyoev 28 mart kuni Xitoyning Shinjon-Uygʻur avtonom rayoni (ShUAR) Xalq hukumati raisi Erkin Tuniyaz boshchiligidagi delegatsiyasini qabul qildi, deya xabar berdi davlat rahbari matbuot xizmati.

Uchrashuvda Oʻzbekistonning Xitoy bilan savdosining qariyb 10 foizi ShUAR hissasiga toʻgʻri kelishi, ushbu hudud etakchi kompaniyalari bilan hamkorlikdagi investitsiya loyihalari portfeli 3,5 mlrd dollarni tashkil etishi maʻʻlum qilindi. Bu hamkorlik “yashil” energetika va elektrotexnika, qurilish tarmogʻi va yangi turdagi qurilish materiallarini ishlab chiqarish, metallurgiya, infratuzilmani modernizatsiya qilish va boshqa yoʻnalishlarni qamrab oladi.

Shavkat Mirziyoev ShUAR bilan oʻzaro manfaatli hamkorlikni yanada rivojlantirish va qoʻshma loyihalarni jadallashtirish muhimligini taʻʻkidladi. Innovatsion texnologiyalar, qishloq va suv xoʻjaligi, transport va logistika, bank-moliya sohasi, taʻʻlim, anʻʻanaviy tibbiyot kabi bir qator ustuvor yoʻnalishlar koʻrsatib oʻtildi.

Uchrashuvda “Oʻzbekiston-Qirgʻiziston-Xitoy” temir yoʻlini qurish loyihasini ilgari surishga ham alohida eʻʻtibor qaratildi.

28 mart kuni Oʻzbekiston bosh vaziri Abdulla Aripov ham ShUAR Xalq hukumati raisi Erkin Tuniyaz bilan uchrashuv oʻtkazdi.

Qayd etilishicha, oʻtgan yili Oʻzbekistonga Shinjon-Uygʻur avtonom rayoni, Shenʻsi, Shanʻdun, Tszyansu, Tszyansi, Anʻxoy va boshqa provintsiyalar rahbarlari tashrif buyurgan.

Muloqot davomida mazkur yoʻnalishdagi ishlarni yanada kengaytirish, shu bilan birga, investitsiya, sanoat kooperatsiyasi, energetika, transport-logistika, qishloq xoʻjaligi, taʻʻlim, turizm va boshqa sohalarda oʻzaro manfaatli hamkorlikni yanada rivojlantirish zarurligi qayd etildi.