Yanvarʻ-fevralʻ oylarida 163 nafar Oʻzbekiston fuqarosi Turkiyaga kiritilmagan – Bosh konsulxona

Oʻzbekistonning Istanbuldagi Bosh konsulxonasi yanvarʻ-fevralʻ oylarida 163 nafar Oʻzbekiston fuqarosi Turkiyaga kiritilmagani, ularning 54 nafari muqaddam Turkiyaga kelib, qonunbuzarlik sodir etib kirishiga taqiq qoʻyilganlar ekanini maʻʻlum qildi. Shuningdek, Turkiya huquq-tartibot idoralari xodimlari oʻzbekistonliklarga qoʻpol muomalada boʻlayotgani haqidagi shikoyatlar ham kelib tushayotgani aytildi.

Bugungi kunda Turkiyaga kirish va chiqish chegara punktlarida ichki ishlari organlari xodimlari tomonidan mamlakatga kelayotgan xorijliklarga nisbatan qatʻʻiy tekshiruvlar amalga oshirilmoqda, deya xabar qildi Oʻzbekistonning Istanbuldagi Bosh konsulxonasi.

Xabarda aytilishicha, ushbu amaliyot doirasida Istanbul xalqaro aeroportida asosan 20-35 yoshdagi xorijliklarga nisbatan nazorat tadbirlari kuchaytirilganligi kuzatilmoqda.

Oʻzining xatti-harakatlari bilan shubha uygʻotgan shaxslar bilan migratsiya xizmati xodimlari tomonidan suhbat oʻtkazilib, shaxsiy uyali telefonlari tekshirilishi holatlari ham uchramoqda.

Terrorizm, odam savdosi va boshqa jinoyatlarga aloqadorlikda gumonlanganlar, taqiqlangan tovarlarni olib oʻtishga uringan shaxslar “Turkiyaga kirishi istalmagan yoʻlovchi” sifatida baholanib, Turkiya hududiga kiritilmasdan mamlakatiga qaytarib yuborilmokda.

Jumladan, joriy yilning yanvarʻ-fevralʻ oylari davomida Turkiyaga kiritilmagan 163 nafar Oʻzbekiston fuqarolaridan 54 ta nafari muqaddam Turkiyaga kelib, qonunbuzarlik sodir etib kirishiga taqiq qoʻyilganlarni tashkil etgan.

“Shu bilan birga, ayrim vatandoshlarimizdan Istanbul aeroportida politsiya xodimlarining qoʻpol muomalasi haqida shikoyatlar kelib tushgan. Bu borada fuqarolarimizning barcha shikoyat va eʻʻtirozlari diplomatik kanallar orqali turk tomoniga etkazildi va xozirgi kunda mutasaddi tashkilotlar bilan muzokaralar olib borilmoqda”, - deyiladi xabarda.

Bosh konsulxona fuqarolardan mahalliy qonunlarni hurmat qilib, ularga toʻliq rioya etishlarini soʻradi. Shuningdek, oldin qonunbuzarlik sodir etib deport qilingan fuqarolarga Turkiyaga kirish taqiqi bor yoki yoʻqligini Toshkent va Samarqand shaharlaridagi Turkiya diplomatik vakolatxonalaridan oʻrgangan holda kelishlari tavsiya qilindi.

Mavzuga aloqador

Eng ko‘p o‘qilgan

Tavsiya qilingan

Reklama