Qozogʻistondagi yirik tadbirkorga suv toshqinlaridan zarar koʻrgan hududlar biriktiriladi
Qozogʻiston prezidenti Qosim-Jomart Toqaev toshqindan jabr koʻrgan hududlarga yordam berishga mahalliy milliarderlarni jalb qilish gʻoyasini taklif qildi. U har bir viloyat, tuman va qishloqqa mamlakatdagi eng boy kishilardan birini biriktirish zarurligini taʻʻkidladi.
Qozogʻiston
prezidenti Qosim-Jomart Toqaev toshqindan jabr koʻrgan hududlarga yordam berishga
mahalliy milliarderlarni jalb qilish gʻoyasini taklif qildi. Toqaev Qoʻstanay
viloyatining Tobol shahridagi tezkor shtabga tashrifi chogʻida har bir viloyat, tuman
va qishloqqa mamlakatdagi eng boy kishilardan birini biriktirish zarurligi haqida
oʻz fikrini bildirdi.
“Forbes roʻyxatiga kiritilgan juda yirik tadbirkorlarimiz
bor. Ular bilan suhbat quramiz va har bir viloyat, tuman, qishloqqa biriktiramiz, nomma-nom javobgar
boʻlishadi. Bu ularning manfaatlariga ham javob beradi”, - dedi Toqaev.
Qozogʻiston prezidenti, shuningdek, Kostanay viloyatidagi suv
toshqini oqibatlariga qarshi kurashda koʻrsatgan yordami uchun koʻngillilarga
minnatdorlik bildirdi. Toqaev
koʻngillilarga hamdard ekanligini va ularning saʻʻy-harakatlarini
qoʻllab-quvvatlashga tayyorligini taʻʻkidladi.
Prezident jabrlangan hududga tashrifi doirasida suv bosgan
hududlar boʻylab uchib oʻtdi va tabiiy ofat zonasida aholi bilan uchrashdi, etkazilgan zarar koʻlamini
shaxsan oʻzi koʻzdan kechirib, keyingi
yordam ishlarini muvofiqlashtirdi.
Qozogʻistonda mart oyida boshlangan jiddiy suv toshqinlari
oqibatlari bilan kurashish davom etmoqda, buning natijasida turli aholi punktlaridan
117 mingdan ortiq odam evakuatsiya qilingan.
Respublika soʻnggi 80 yildagi eng dahshatli suv toshqini bilan
yuzma-yuz kelmoqda. Ofat mamlakatning
sakkiz viloyatiga bevosita salbiy taʻʻsir koʻrsatdi. Ushbu hududlarda suv
toshqinlari qariyb bir oydan beri davom etmoqda. Ayniqsa, qor va muzlarning erishidan
hosil boʻlgan katta miqdordagi Aqmola, Qoʻstanay va Shimoliy Qozogʻiston
viloyatlarida ogʻir vaziyatni yuzaga keltirdi.
.png)
Mavzuga aloqador
-
Ural daryosi sathi butun davr uchun rekord darajada koʻtarilishi natijasida Rossiyaning Orenburg viloyatida aholi punktlarini suv bosishda davom etmoqda. Toʻgʻonlar suv bosimiga bardosh bera olmayapti. Odamlar ommaviy evakuatsiya qilinmoqda. Qozogʻistonning shimoliy hudududlarida ham oxirgi 80 yillikdagi eng yirik suv toshqinlari kuzatilmoqda.
-
Qozogʻistondagi keng koʻlamli suv toshqinlari bilan bogʻliq vaziyat tufayli 13-14 iyunʻ kunlari oʻtkazish rejalashtirilgan Ostona xalqaro forumi bekor qilindi. Tadbir 2025 yilda oʻz ishini davom ettiradi. Mamlakatning 6 ta viloyatida 6 mingga yaqin uy-joylar va dalalar suv ostida qolmoqda.
