OAV: Rossiya tinchlikparvar kontingentini Qorabogʻdan olib chiqishni boshladi
Rossiya tinchlikparvar kuchlari Qorabogʻni tark etishni boshladi. Jumladan, Kelbajar tumanidagi alban Xudavang ibodatxonasini qoʻriqlash Ozarbayjon IIV xodimlariga topshirildi.
Ijtimoiy
tarmoqlarda Rossiya harbiy texnikalari karvoni Qorabogʻni tark etib, Terter va
Bardin tumanlari orqali Ozarbayjondan chiqib ketayotgani aks etgan videolar paydo
boʻldi. Ozarbayjon matbuotining
qayd etishicha, shu
bilan Rossiya tinchlikparvar kontingentining mamlakat hududidan olib chiqib ketilishi boshlangan.
Xabarlarda harbiy texnika va tinchlikparvar kuchlar allaqachon
Kelbajar tumanidagi alban
Xudavang ibodatxonasi hududidan chiqib ketgani qayd etilgan. Monastirni qoʻriqlash Ozarbayjon Ichki ishlar
vazirligi xodimlariga oʻtkazildi.
Eslatib oʻtamiz, Rossiya tinchlikparvar kuchlari 2020 yil 10
noyabrda Ozarbayjon, Rossiya va Armaniston rahbarlari tomonidan imzolangan uch
tomonlama bayonotga muvofiq,
Qorabogʻ hududiga joylashtirilgan edi. 2024 yil 1 yanvarda rasman tan olinmagan
Togʻli Qorabogʻ Respublikasi oʻz faoliyatini toʻxtatdi.
Mart oyida Ozarbayjon prezidenti Ilhom Aliev Boku va Erevan
ikki tomonlama munosabatlarni tartibga solishga har qachongidan ham yaqinroq
ekanini aytdi.
