Rossiya Bosh prokuraturasining Federal xavfsizlik, millatlararo munosabatlar, ekstremizm va terrorizmga qarshi kurashish toʻgʻrisidagi qonunlar ijrosini nazorat qilish boshqarmasi prokurori Dmitriy Vagurin jamiyatda chet ellik va muhojirlarga nisbatan nafrat sunʻʻiy ravishda qoʻzgʻatilayotgani va bu mamlakatning barbod boʻlishiga olib kelishi mumkinligini taʻʻkidladi. Shuningdek, u Markaziy Osiyodan kelgan muhojirlarni biznes sohalarini egallab olish, Rossiya iqtisodiyoti va oʻziga xosligiga zarar etkazishda aybladi.
Soʻnggi oʻn yillikda urush va inqirozlar tufayli murakkab vaziyat ichida qolgan Afgʻoniston Islom Amirligi oʻrtacha ish haqida boʻyicha 205 dollarlik koʻrsatkich bilan Tojikiston (169 dollar), Pokiston (163 dollar), qariyb barcha Afrika mamlakatlari va Venesuelani (199 dollar) ham ortda qoldirdi. Oʻzbekiston esa 351 dollarlik koʻrsatkich bilan Markaziy Osiyoda Qozogʻiston va Turkmanistondan (mos ravishda 673 va 654 dollar) keyin uchinchi oʻrinni egalladi.
Islom taraqqiyot banki (ITB) Qirgʻizistonda 112 ming kv.metr davlat ipoteka uy-joylarini qurish uchun 79 million dollar ajratdi. Xalqaro ishlar, mudofaa, xavfsizlik va migratsiya qoʻmitasi 2024 yil 26 aprelda Saudiya Arabistonining Ar-Riyod shahrida imzolangan "Shariat standartlari boʻyicha arzon uy-joylarni moliyalashtirish" loyihasi boʻyicha Qirgʻiziston Respublikasi va Islom taraqqiyot banki oʻrtasidagi kredit shartnomalarini ratifikatsiya qilish toʻgʻrisida"gi qonun loyihasini birinchi oʻqishda maʻʻqullagan.
Қирғизистон суди Россия қўшинлари сафида Украинадаги урушда иштирок этган мамлакат фуқаросига нисбатан ҳукм ўқиди. Фуқаро хорижий давлат ҳудудидаги қуролли можароларда иштирок этиш тўғрисидаги модда бўйича айбдор деб топилиб, беш муддатга қамалди. Собиқ ёлланма аскар ҳукмдан норози ва аллақачон апелляция аризасини топширган.
Oʻzbekistonda ota-onalar yoki ularning oʻrnini bosuvchi shaxslar tomonidan bolani noqonuniy diniy taʻʻlim olishga jalb qilganlik uchun maʻʻmuriy javobgarlik belgilanmoqda. Tegishli qonun loyihasi 25 iyunʻ kuni deputatlar tomonidan birinchi oʻqishda qabul qilindi.
Qonunchilik palatasi deputatlari chet el fuqarolari va fuqaroligi boʻlmagan shaxslarning Oʻzbekistonda boʻlishini nomaqbul deb topish asoslari va tartibini belgilovchi qonun loyihasini uchinchi oʻqishda qabul qildi. Hujjat bilan davlat suverenitetiga, hududiy yaxlitligiga va xavfsizligiga zid boʻlgan, davlatlararo, ijtimoiy, milliy, irqiy hamda diniy adovatni keltirib chiqaruvchi, xalqning shaʻʻni, qadr-qimmatini yoki tarixini tahqirlovchi mazmundagi ommaviy chiqishlar qilish yoxud harakatlar sodir etish shaxsni Oʻzbekistonda boʻlishini nomaqbul deb topish uchun asos boʻlishi belgilanmoqda.
Ozarbayjon poytaxtida qidiruvdagi shaxsni ushlash chogʻida otishma roʻy berdi. Natijada uch politsiyachi va bir fuqaro halok boʻldi. Otishma sodir etgan shaxsning oʻzi ham politsiya tomonidan otib oʻldirilgan.
Prezident Shavkat Mirziyoev Darband va Mahachqalʻʻa shaharlarida sodir etilgan qurolli hujum oqibatida koʻplab huquqni muhofaza qilish idoralari xodimlari va fuqarolar qurbon boʻlgani munosabati bilan Rossiya prezidenti Vladimir Putinga maktub yoʻllab, chuqur hamdardlik bildirdi. Soʻnggi maʻʻlumotlarga koʻra, qurolli hujum oqibatida 15 nafar politsiyachi hamda ikki fuqaro halok boʻlgan. Ushbu qurolli hujum ortidan Dogʻistonda uch kunlik motam eʻʻlon qilindi.
Ishgʻolchilarning markaziy statistika byurosi hisobotiga koʻra, Misrning Isroilga eksporti oʻtgan yilga nisbatan ikki baravarga oshgan. Jumladan, may oyida Misrning Isroilga etkazib bergan mahsulotlari qiymati 25 mln dollarni tashkil etgan. Falastinliklarning qirgʻini davom etayotganiga qaramay, BAA va Iordaniyadan ham Isroilga eksport hajmi oshib, savdo qiymati mos ravishda 242 mln dollar va 35,7 mln dollarga etgan.
Yunon orollaridan biriga dam olgani borgan 17 nafar qozogʻistonlik sayyoh tasodifan oʻrmonga oʻt qoʻyib yuborishdi. Dam oluvchilarning ijaraga olgan yaxtasidan qirgʻoq boʻylab otgan mushaklari sabab qaragʻayzor olovlangan. Yongʻinni oʻchirishga 3 ta oʻt oʻchirish mashinasi va vertolyot jalb qilingan. Ayni paytda politsiya hodisa uchun javobgar 13 kishini qoʻlga olgani aytilmoqda.