Польша парламенти 1944 йилда қрим татарларининг депортация қилинишини геноцид акти деб тан олган резолюцияни қабул қилди. 1944 йил 18 майда Иосиф Сталин бошчилигидаги совет режими 200 мингдан зиёд қрим татарларини нацистлар билан ҳамкорликда айблаб, Марказий Осиё ва Сибирга сургун қилган. Мажбурий кўчирилганларнинг қарийб ярми сургуннинг оғир шароитларида очлик ва касалликдан вафот этган.
Ўзбекистонда биологик усулда етиштирилган пиёз Уммондаги лабораторияда 300 дан ортиқ агрозаҳарлардан ҳоли органик маҳсулот деб топилди. Деҳқоннинг маълум қилишича, пиёз етиштириш харажатлари анъанавий - кимёвий ўғит ва заҳарлар билан ишланадиган усулдагидан камроқ бўлган. Фақат ҳосил кам бўлгани ҳисобидан таннарх қимматроқ тушган. Биолог олим Бахтиёр Абдуғафур Ўзбекистон органик маҳсулотлар етиштириш борасида катта имкониятга эга эканлиги, улар экспортидан олинган даромад нефт-газ даромадидан юқори бўлишини таъкидлади.
Markaziy Osiyo mamlakatlari orasida Qozogʻiston islom moliyasidan foydalanish boʻyicha etakchi oʻrinni egallaydi. Mintaqadagi barcha islomiy moliyaning 68 foizi ushbu davlat hissasiga toʻgʻri kelmoqda
Rossiya Federal xavfsizlik xizmati (FSB) RF tarkibidagi Adigeya Respublikasining Maykop shahrida joylashgan pravoslav cherkoviga Markaziy Osiyo davlatlaridan birining fuqarosi hujum uyushtirishni rejalashtirganini maʻʻlum qildi. Uning hujum rejasini ishlab chiqqani, hududda razvedka ishlarini olib borgani va zarur jihozlarni sotib olib, qoʻlbola yondiruvchi moslama yasagani maʻʻlum qilindi.
Qozog‘iston Qimmatli qog‘ozlar markaziy depozitariysi o‘z mijozlaridan 10 avgustgacha Rossiya qimmatli qog‘ozlarini o‘z tasarrufidan olib qo‘yishni talab qildi. Bunga AQSh moliya vazirligi iyun oyida Moskva fond birjasi va Rossiya depozitariysiga qarshi sanksiyalar joriy etgani sabab bo‘lgan.
Ўзбекистон фуқароси "Вагнер" ХҲК сафида Украинада урушгани учун 2,5 йил ахлоқ тузатиш ишларига жалб қилинди. У Россияда гиёҳванд моддалар савдосида айбланиб 7 йил муддатга қамалган, сўнгра ХҲК билан шартнома имзолаб, муддатидан олдин озодликка чиқарилган ва жабҳага юборилган.
Qozogʻistonning Kaspiy dengizi yaqinidagi “Oymasha” poligoni va Tokmak burni yaqinidagi hududlarda Markaziy Osiyoning toʻrt davlati hamda Ozarbayjon ishtirokida «Bіrlestіk-2024» qoʻmondonlik-shtab oʻquv mashgʻulotlari boʻlib oʻtmoqda. 4 mingga yaqin harbiy xizmatchi va 700 tagacha qurol va texnikalar jalb etiladigan mashgʻulotlarda harbiylar, jumladan, “terrorchilar tomonidan bosib olingan orolni ozod qiladi” hamda “dengiz xavfsizligini taʻʻminlash va infratuzilmani himoya qilish boʻyicha amaliyotlar oʻtkazadi”.
Rossiya musulmonlari diniy boshqarmasi raisining birinchi oʻrinbosari, Moskva islom instituti rektori, ilohiyot fanlari doktori Damir Muxetdinov niqob RF tub musulmon xalqlari uchun tarixiy anʻʻanaviy libos ekanini taʻʻkidlab, Sovet Ittifoqidan oldingi davrda tatarlar va Shimoliy Kavkaz xalqlari orasida bu kiyim tarqalgani boʻyicha tarixiy dalillarni misol tariqasida keltirdi.
AQShning Florida shtatidagi Kanaveral burnidan SpaceX kompaniyasining Falcon 9 raketa-tashuvchisi yordamida Turkiyaning birinchi milliy va mahalliy Türksat 6A sunʻʻiy yoʻldoshi muvaffaqiyatli uchirildi. Türksat 6A yordamida turk sunʻʻiy yoʻldoshlari aloqa xizmatlarini koʻrsatayotgan er yuzi aholisi soni 3,5 millirdandan 5 millird kishiga koʻpayadi.
Turkiy davlatlar tashkiloti sammitida ilk bor ishtirok etgan Qibris Turk Respublikasi prezidenti Ersin Tatar 1974 yilda “Qibris tinchlik harakati” amalga oshirilmaganida, harbiy xunta musulmonlarni oroldan batamom yoʻq qilib yuborgan, bugun u erda turklar yashamayotgan boʻlardi, dedi.