Markaziy Osiyo davlatlari Rossiya va Xitoy ishtirokisiz harbiy mashgʻulotlar oʻtkazmoqda
Seshanba kuni Markaziy Osiyo davlatlari quruqlik, dengiz floti va havo kuchlari ishtirokida birinchi marta Rossiya va Xitoy ishtirokisiz qoʻshma mashgʻulotlar oʻtkazishni boshladi.
«Bіrlestіk-2024» qoʻmondonlik-shtab oʻquv mashgʻulotlarida
Qozogʻiston, Qirgʻiziston, Oʻzbekiston, Ozarbayjon va Tojikiston harbiylari
ishtirok etmoqda, deb xabar berdi
24KZ.
17 iyulga
qadar davom etadigan mashgʻulotlarda Ozarbayjon patrulʻ va oʻrta desant
kemalari, Oʻzbekiston
esa armiya aviatsiyasi vertolyotlari
bilan ishtirok etadi. Mashgʻulotlarning
asosiy qismi “Oymasha”
poligonida va Tokmak burnidan ikki kilometr uzoqlikda boʻlib oʻtadi. Harbiylar
qurolli mojaroni bartaraf
etish boʻyicha qoʻshma operatsiya oʻtkazadi. Harbiy amaliy sport, taktik moʻljalga olish va otish
boʻyicha ham musobaqalar oʻtkazilishi rejalashtirilgan. Jami 4 mingga yaqin harbiy
xizmatchi hamda 700
tagacha qurol va harbiy texnika jalb etiladi.
Qirgʻiziston Mudofaa vazirligining maʻʻlum qilishicha,
mashgʻulotlar davomida harbiylar “terrorchilar tomonidan bosib olingan orolni ozod
qiladi” hamda “dengiz
xavfsizligini taʻʻminlash va infratuzilmani himoya qilish boʻyicha amaliyotlar
oʻtkazadi”.
Alarabiya nashri mashgʻulotlar birinchi marta Rossiya va Xitoy
ishtirokisiz oʻtkazilayotganiga urgʻu berdi.
Bu davlatlar odatda muntazam ravishda ushbu strategik mintaqadagi eng nufuzli
ikki yirik davlat: Kollektiv Xavfsizlik Shartnomasi Tashkiloti ostidagi Rossiya va
Shanxay Hamkorlik Tashkiloti doirasidagi Xitoy bilan mashgʻulotlarda qatnashadi, jumladan, ShHT doirasida
2023 yilda 1500 nafar harbiy
ishtirokida mashgʻulotlar boʻlib oʻtdi.
Qayd
etilishicha, yirik davlatlar ham xomashyoga boy mintaqa va muhim savdo
yoʻliga koʻproq eʻʻtibor qaratayotgani sababli oʻnlab yillar davom etgan ichki
janjallardan soʻng Markaziy Osiyo davlatlari yaqinda hamkorlikni kuchaytirdi.
Bu mamlakatlarning barchasi Xitoy va Evropa oʻrtasidagi
Rossiyani chetlab oʻtuvchi va “Oʻrta koridor” nomi bilan mashhur boʻlgan transport
yoʻnalishining bir qismidir.