Turkiya prezidenti Rajab Toyyib Erdoʻgʻon Anqara Gretsiyaning Gʻarbiy Trakiya hududida yashovchi turk ozchiligining huquqlarini himoya qilishda davom etishini maʻʻlum qildi. Uning soʻzlariga koʻra, Turkiya Gretsiya rasmiylarining mamlakatdagi etnik turklar bilan bogʻliq qadamlarini diqqat bilan kuzatib bormoqda va kerak boʻlsa, vaziyatga aralashishga tayyor.
Qozogʻiston va Ozarbayjon hukumatlari oʻrtasida harbiy razvedka sohasida hamkorlik toʻgʻrisidagi bitim tasdiqlanishi kutilmoqda. Ushbu hujjatda mudofaa, terroristik va ekstremistik tashkilotlar, oʻzaro manfaatli harbiy-siyosiy voqealar yoʻnalishlarida harbiy razvedka maʻʻlumotlarini oʻzaro almashish, qoʻshma jangovar tayyorgarlik tadbirlarini oʻtkazish va boshqalar belgilangan.
2014 yil iyunʻ oyida Iroqning Mosul va boshqa hududlarini qoʻlga kiritgan IShID terror tashkiloti Tal Afar tumanida xalq tili bilan “Doʻzax qudugʻi” deb ataladigan botiqqa 1000 dan ziyod tinch aholi vakillari, jumladan, bolalar va ayollarni oʻldirib, koʻmgan. Ular orasida Iroq turkmanlari vakillari ham bor. Bugungi kunda ushbu hududdagi ommaviy qabrlardan jasad qoldiqlari chiqarib olinib, DNK tekshiruvidan oʻtkazilmoqda va shaxslari aniqlanmoqda.
Oʻzbekistonda dunyoviy davlatchilik xavf ostida qolmoqda. Jamiyat va davlatdagi Eltuz kabi radikal ateizm tarafdorlari shunday tahdidni keltirib chiqarmoqda. Bugun sobiq kommunistik tuzum mafkurasi bilan zaharlangan, islomofobiya kabi buzgʻunchi gʻoyalar taʻʻsiriga tushib qolgan, radikal ateizm kabi yot gʻoyalarga aldangan shaxslar oyoqlanib, jamiyatimizda tinchlik va totuvlikka rahna solmoqda.
Qibris (Kipr) orolida yashab kelayotgan turk musulmonlariga qarshi etnik tozalash va boshqa jinoyatlarga barham berish maqsadida 1974 yilning 20 iyulʻ kuni orolda tinchlikparvarlik amaliyoti oʻtkazilgan edi. Kod nomi “Atilla operatsiyasi” boʻlgan ushbu amaliyot Turkiya qurolli kuchlari orol shimoliga qoʻshin tashlashi (dastlab 10 ming nafar, keyinchalik ular soni 40 ming nafarga etkazildi) bilan boshlandi. Pentemili plyaji hududida qizgʻin jang boʻlib oʻtadi.
Ozarbayjon poytaxti Boku shahrida frantsuz mustamlakachiligiga qarshi harakatlarning birinchi qurultoyi boʻlib oʻtdi. Unda Korsika, Melaneziya, Polineziya mustaqilligi uchun kurashayotgan 20 ga yaqin siyosiy partiya va harakatlar etakchilari, Frantsiya mustamlakachiligidan jabr koʻrgan Karib dengizi va Antil orollari guruhi, shuningdek, Gollandiyaning ikki mustamlakasi vakolatli vakillari ishtirok etdi.
Evgeniy Prigojinning shaxsan oʻzi tomonidan “Vagner” xususiy harbiy kompaniyasiga yollanib, Ukrainadagi urushda qatnashgan Oʻzbekiston fuqarosi besh yil qamoq jazosiga hukm qilindi. U 2016 yilda ishlash uchun Rossiyaga boradi va boshqa bir muhojirni qasddan oʻldirgani uchun 15 yil muddatga ozodlikdan mahrum etiladi. Qamoqxonaga “Vagner” rahbari Evgeniy Prigojinning shaxsan oʻzi kelib, mahbuslarga ozodlikka chiqish, yuqori maosh va fuqaroligi boʻlmaganlarga Rossiya fuqaroligini vaʻʻda qiladi.
Qirgʻiziston prezidenti Sadir Japarovning Oʻzbekistonga davlat tashrifi ikki mamlakat oʻrtasida 16 ta hujjat imzolandi. Oʻzbekistonning JSTga aʻʻzoligi boʻyicha ikki tomonlama muzokaralarni yakunlash toʻgʻrisida bayonnoma, Fuqarolarning oʻzaro kelib-ketishlari toʻgʻrisidagi hukumatlararo bitimga oʻzgartirishlar kiritish toʻgʻrisida bayonnoma, Issiqkoʻldagi kurort-hordiq xoʻjaligi obʻʻektlari boʻyicha hukumatlararo bitim shular jumlasidan.
Oʻzbekiston prezidenti Shavkat Mirziyoev va Qirgʻiziston prezidenti Sadir Japarov yirik kooperatsiya loyihalarini ishga tushirish marosimida ishtirok etdi. Jumladan, Qirgʻizistonning Chuy viloyatida Oʻzbekiston hamkorligida Cobalt, Onix va Tracker avtomobillarini ishlab chiqarish zavodi ish boshlagan boʻlsa, Fargʻona va Namanganda ikkita quyosh elektr stantsiyasi qurilishiga start berildi.
Qozogʻistonda Ozarbayjon, Qozogʻiston, Qirgʻiziston, Oʻzbekiston va Tojikiston harbiylari ishtirokidagi "Birlestik-2024" xalqaro tezkor-taktik qoʻmondonlik-shtab oʻquv mashgʻulotlari yakuniga etdi. Qoʻshma manyovrlarga jami 4 ming nafar harbiy xizmatchi, 700 tagacha qurol va harbiy texnika jalb qilindi.