2023 yilda Tojikistondan mahsulot eksporti 2 milliard 448,8 million dollarga etdi, bu 2022 yilga nisbatan 14,3 foizga koʻpdir. Mamlakatning 2023 yilda eng muhim eksport tovarlari quritilgan mevalar, alyuminiy va qimmatbaho metallar boʻldi.
YuNISEF Sudanda davom etayotgan qurolli mojarolar va toʻyib ovqatlanmaslik tufayli kamida 700 ming bola oʻlim xavfi ostida ekanini maʻʻlum qildi.
Moody's Xalqaro kredit reyting agentligi Isroilning kredit reytingini «A1»dan «A2»ga tushirdi va kredit reytingi prognozini salbiyga oʻzgartirdi. Agentlik harbiy mojaro va uning kengroq oqibatlari reytingni pasaytirishning asosiy sababi boʻlgani, bu holat Isroilning ijro etuvchi va qonun chiqaruvchi institutlari hamda moliyaviy kuchini zaiflashtirish xavfini oshirayotganini qayd etdi.
Livandagi Hizbulloh harakati Isroil tomonidan bosib olingan Golan tepaliklari tomon oʻnlab “Katyusha” raketalari otilganini xabar qildi. Oʻz navbatida, Isroil armiyasi uchirilgan raketalarning koʻp qismini tutib olgani va hech qanday talofat yoʻqligini maʻʻlum qilgan.
Isroil tomonidan Gʻazo sektorida qatliom boshlanganiga 127 kun boʻldi. Oʻtgan kunning asosiy voqealari.
Misrliklarning mustamlakachilik, zulm ekspluatatsiyani tanqid qilish imkoniyati mustaqillik qoʻlga kiritilganiga qadar koʻproq va kuchliroq edi. Mustamlakachilar oʻrnini milliy hokimiyat egallagach esa, fuqarolarning imkoniyatlari, huquqlari va harakatlari koʻlami ancha qisqardi. Erkinliklar, huquqlar va burchlar ruhiga yoʻgʻrilgan konstitutsiyalar bilan mavjud achchiq voqelik oʻrtasida boʻshliq hali ham bor va kengayib bormoqda. Hozir mavjud boʻlgani oldingisidan yomon, kelajakdagi esa ikkalasidan ham yomonroq. Misrning yaqin oʻtmishi, mustaqillikni qoʻlga kiritishi va undan keyingi davri – Azon Global nigohida.
Dunyoning yirik logistika kompaniyalari Qizil dengizdagi yuk tashish xavfsizligi bilan bogʻliq vaziyat AQSh husiylarga qarshi harbiy amaliyotlar boshlaganidan keyin faqat yomonlashganini taʻʻkidlamoqda.
Isroillik harbiy shifokor Isroil armiyasi Gʻazo sektoridagi uylarni talon-taroj qilgani va yoqib yuborgani hamda falastinlik mahbuslarni sudsiz qatl qilgani haqida soʻzlab berdi. Uning soʻzlariga koʻra, Isroil harbiylari gʻazoliklarning uylaridan koʻp sonli matraslar, gaz plitalari, bolalar oʻyinchoqlari, changyutkichlargacha oʻgʻirlashgan.
Amerikalik teleboshlovchi Taker Karlson oʻz saytida Rossiya prezidenti Vladimir Putin bilan ikki soatlik suhbatni eʻʻlon qildi. “Ukraina denafikatsiyasi”, 2014 yilda Ukrainadagi “davlat toʻntarishi”, tinchlik muzokaralari, AQShdagi saylovlar bilan bogʻliq vaziyat, Rossiya va Xitoy oʻrtasidagi munosabatlar suhbatning asosiy mavzulari boʻldi.
AQSh prezidenti Jo Biden maxsus prokuror Robert Xurning xotirasi va qariligi haqidagi ayblovlarini inkor etar ekan, xuddi shu yigʻilishning oʻzida Misr prezidenti Sisini "Meksika prezidenti" dedi.