Isroillik harbiy shifokor Isroil armiyasi Gʻazo sektoridagi uylarni talon-taroj qilgani va yoqib yuborgani hamda falastinlik mahbuslarni sudsiz qatl qilgani haqida soʻzlab berdi. Uning soʻzlariga koʻra, Isroil harbiylari gʻazoliklarning uylaridan koʻp sonli matraslar, gaz plitalari, bolalar oʻyinchoqlari, changyutkichlargacha oʻgʻirlashgan.

“Ediot Axronot” gazetasi bosh tahlilchisi Naxum Barnea yaqinda Gʻazo sektorida ikki oylik harbiy xizmatni oʻtab boʻlgan zaxiradagi desantchilar brigadasi shifokorining maktubini eʻʻlon qildi.

Barnea, shifokorning ismini oshkor qilmasdan, u «soʻzma-soʻz» maktubni keltirganini taʻʻkidladi.

Shifokorning aytishicha, 7 oktyabrʻ voqealari isroilliklarda gʻazab va qasos tuygʻularini uygʻotgan hamda unga ham taʻʻsir qilgan bu tuygʻular harbiylarni «qoʻzgʻolon»ga olib kelgan. Unga koʻra, “armiya kuchlari Gʻazoda uylarni talon-taroj qilgan va yoqib yuborgan, mahbuslarni qatl qilgan”.

Isroil askarlari hatto Falastin uylaridan changyutgichlarni oʻgʻirlashadi

“Talonchilik deyarli institutsional holga keldi”, deb yozgan isroillik harbiy shifokor. “Bu uylardan koʻp sonli matraslar, gaz plitalari va gaz ballonlarini musodara qilish bilan boshlandi, bolalar uchun stol va kichik oʻyinchoqlar kabi kichik narsalarni ham olib ketish bilan davom etdi. Kichikroq va intizomsizroq kuchlar telefonlar, changyutgichlar, mototsikllar va velosipedlarni oʻgʻirlagan”.

U sodir boʻlayotgan voqealardan uyalganini va "bir nuqtada uni bezovtalik sifatida qabul qilgani uchun izoh soʻrashni toʻxtatganini" taʻʻkidladi. Isroillik harbiy shifokorning aytishicha, Isroil armiyasi zarar etkazish niyatida operatsiyalar oʻtkazgan.

Isroillik shifokorning qoʻshimcha qilishicha, talonchilik va oʻt qoʻyish armiyada tartib-intizom yoʻqligidan dalolat beradi.

“Armiya kuchlari vaqti-vaqti bilan uylarga oʻt qoʻya boshladi, ammo brigada komandiri bu uning uchun muammo emasligini aytdi. Askarlar tarqatayotgan siyosiy – aksariyati oʻng qanot va koʻpincha ekstremistik boʻlgan xabarlar uchun qariyb hech qanday toʻsiq yoʻq. Rahbariyat esa bunga koʻz yummoqda”, - deydi u.

Isroil harbiylari falastinlik mahbuslarni qatl qilmoqda

Shifokor Gʻazodagi toʻqnashuvlarda qoʻlga olingan Izzeddin al-Qassam brigadasining 5 nafar aʻʻzosidan birining oyogʻi singanini aytdi. U davolanish paytida harbiylarning salbiy munosabatiga duch kelganini taʻʻkidlab, unga yordam bergan. Toʻqnashuvdan soʻng isroillik askarlardan biri falastinlik mahbusni oʻldirgan.

Unga koʻra, isroillik qoʻshinlar soʻroq paytida asirga olingan «Qassam» guruhining yana bir aʻʻzosini otib tashlagan.

"Oʻzim patsifist emasman, lekin Isroil harbiy kiyimini kiyganlar boradigan joylarida barcha chegaralardan oʻtib ketmoqda", ‑ deya taʻʻkidladi shifokor.

Gazetasining bosh tahlilchisi soʻzlariga koʻra, bunday voqealar tez-tez uchrab turadi. U Livan bilan chegaradagi evakuatsiya qilingan Isroil shaharlarida ham shunga oʻxshash hodisalar haqida eshitgan.

Gʻazo hukumati matbuot xizmati bayonotida, "bosqinchi armiya Gʻazo sektoriga qarshi genotsid urushi paytida 3000 ta uyni yoqib yuborganini maʻʻlum qildi.

Isroilning Haaretz gazetasi 1 fevralʻ kungi xabarida falastinliklarga qarashli yuzlab uylar Isroil askarlarining hujumlari natijasida tuzatib boʻlmas darajada zarar koʻrgani aytilgan.

Bu maʻʻlumotlarga koʻra, Isroil armiyasi qoʻmondonlari “qonuniy ruxsatisiz” harbiylarga 7 oktyabrdan beri hujum ostida boʻlgan Gʻazo sektoridagi tashlandiq uylarni yoqishni buyurgan.