Tojikiston mahsulot eksportini oshirdi

2023 yilda Tojikistondan mahsulot eksporti 2 milliard 448,8 million dollarga etdi, bu 2022 yilga nisbatan 14,3 foizga koʻpdir. Mamlakatning 2023 yilda eng muhim eksport tovarlari quritilgan mevalar, alyuminiy va qimmatbaho metallar boʻldi.

2023 yilda Tojikistondan mahsulot eksporti 2 milliard 448,8 million dollarga etdi, bu 2022 yilga nisbatan 14,3 foizga koʻpdir. Hukumat huzuridagi Eksport agentligi direktori Bahriddin Sirojiddinzoda bu haqda maʻʻlum qildi.

Uning taʻʻkidlashicha, global sanktsiyalarga qaramay, Tojikiston tashqi savdo aylanmasida ijobiy natijalarni saqlab kelmoqda. 2023 yilda tashqi savdo aylanmasining umumiy hajmi 8 milliard 328,9 million dollarni tashkil etdi, bu 2022 yilga nisbatan 1 milliard 19,4 million dollarga oshganini anglatadi. Mamlakatning 2023 yilda eng muhim eksport tovarlari quritilgan mevalar, alyuminiy va qimmatbaho metallar boʻldi.

Sanoat va yangi texnologiyalar vaziri Sherali Kabir oziq-ovqat sanoati mahsulotlari eksporti hajmi 50,1 million dollargacha yoki 2022 yilga nisbatan 17,6 foizga oshganini qayd etdi. Bunga quritilgan mevalar, salqin ichimliklar, tuz, meva-sabzavot konservalari, un, qandolat mahsulotlari va jelatin eksporti kiradi.

Eksportning yarmi qimmatbaho metallar tashkil etmoqda. Eksport va import oʻrtasidagi dinamikani muvozanatlash uchun Eksport agentligi direktori eksport qiluvchi kompaniyalarga imtiyozlar berilishini taʻʻkidladi.

Shuningdek, tadbirkorlar oʻrtasida muloqot madaniyatini yuksaltirish, yurt nufuzini oshirish maqsadida eksport maktabi ochish rejalashtirilgan.