Sudanda kamida 700 ming bola ochlikdan oʻlish xavfi ostida
Sudanda kamida
700 ming bola ochlikdan oʻlish xavfi ostida
YuNISEF Sudanda
davom etayotgan qurolli
mojarolar va toʻyib ovqatlanmaslik tufayli kamida 700 ming bola oʻlim xavfi ostida ekanini maʻʻlum qildi.
Birlashgan Millatlar Tashkilotining Bolalar jamgʻarmasi
(YuNISEF) juma kuni Sudanda davom etayotgan mojarolar va jiddiy toʻyib
ovqatlanmaslik tufayli bolalarning ogʻir ahvoli haqida maʻʻlumot berdi. Bu haqda YuNISEF vakili Jeyms Elder Jenevada boʻlib oʻtgan matbuot
anjumanida maʻʻlum qildi.
Elder gumanitar yordam cheklangani haqida batafsil gapirib, YuNISEF xavf ostidagi bolalarning atigi 300
mingga yaqiniga yordam bera olishi, bu esa Sudandagi oʻlim xavfi ostida
boʻlgan jami bolalarning yarmidan kamrogʻi ekanini bildirdi.
Elderning
soʻzlariga koʻra, bu bolalar
toʻqnash kelayotgan “ogʻir toʻyib ovqatlanmaslik darajasi” jiddiy muammo
boʻlib, vabo, bezgak va boshqa kasalliklardan oʻlimni sezilarli darajada oshiradi. Shu boisdan Elder shoshilinch
aralashuv zarurligini taʻʻkidladi.
Bir kun avval YuNISEF Sudandagi 7,5 milliondan ortiq bolaning bir yil
davomidagi bevosita ehtiyojlarini qondirish uchun 840 million dollar yigʻish
kampaniyasini boshladi. Elder
avvalgi kampaniyalarda etarlicha mablagʻ olinmaganidan hafsalasi pir boʻlgani, “oʻtgan yili YuNISEF Sudandagi
bolalarning deyarli toʻrtdan uch qismi uchun soʻragan mablagʻ olinmaganini”
taʻʻkidladi.
Toʻyib ovqatlanmaslikdan tashqari, Elder oʻtgan yil davomida
bolalarga nisbatan vahshiylik, jumladan, qotillik, jinsiy zoʻravonlik va askar
sifatida yollash kabi holatlar
“500 foizga oshganidan” xavotir bildirdi. Uning taʻʻkidlashicha, bu raqamlar,
ehtimol, "aysbergning uchi" va inqirozning haqiqiy koʻlami ancha
jiddiyroq boʻlishi mumkin.
2023 yil aprelʻ oyida boshlangan va hozirgacha davom etayotgan mojaro Sudan
aholisining qariyb yarmini – 25 millionga yaqin kishini insonparvarlik yordami va
himoyaga muhtoj qilib qoʻydi. Taxminan 1,5 million kishi qoʻshni davlatlarga qochishga
majbur boʻlgan.
Chorshanba kuni BMT Sudan ichida va tashqarisida jabrlanganlarga zarur
insonparvarlik yordamini koʻrsatish uchun 4,1 milliard dollar talab qildi.
.png)
Mavzuga aloqador
-
Cheklangan gumanitar yordam tufayli bu raqamlar kelgusi hafta va oylarda yanada oshishi mumkin.
-
Gʻazo Sogʻliqni saqlash vazirligi Isroil ishgʻoli natijasida Gʻazoda yana ikki bolaning ochlikdan oʻlganini maʻʻlum qildi. Shunday qilib, ochlik va suvsizlik natijasida halok boʻlgan gʻazolik bolalar soni 6 nafarga etdi. Isroil 23 yanvardan buyon Gʻazo shimoliga insonparvarlik yuklarini oʻtkazayotgani yoʻq.
