Moody's Isroilning kredit reytingini pasaytirdi

Moody's Xalqaro kredit reyting agentligi Isroilning kredit reytingini «A1»dan «A2»ga tushirdi va kredit reytingi prognozini salbiyga oʻzgartirdi. Agentlik harbiy mojaro va uning kengroq oqibatlari reytingni pasaytirishning asosiy sababi boʻlgani, bu holat Isroilning ijro etuvchi va qonun chiqaruvchi institutlari hamda moliyaviy kuchini zaiflashtirish xavfini oshirayotganini qayd etdi.

Moody's Xalqaro kredit reyting agentligi Isroilning kredit reytingi va istiqboli qayta koʻrib chiqilganini maʻʻlum qildi, deya xabar bermoqda Anadolu.

Bayonotda Isroilning xorijiy va milliy valyutadagi kredit reytingi «A1»dan «A2»ga tushirilgani, kredit reytingi prognozi esa salbiyga oʻzgartirilgani bildirildi.

Kredit reyting agentligi bayonotida davom etayotgan harbiy mojaro va uning kengroq oqibatlari reytingni pasaytirishning asosiy sababi sifatida tilga olinib, bu holat Isroilning ijro etuvchi va qonun chiqaruvchi institutlari hamda moliyaviy kuchini zaiflashtirish xavfini oshirayotgani qayd etilgan.

Bayonotda Isroil davlat moliyasining yomonlashgani va davlat qarzi nisbatida ilgari bashorat qilingan pasayish tendentsiyasi oʻzgargani, mamlakatning qarz yukining mojarodan oldin kutilganidan yuqori boʻlishi ehtimoli yuqoriligi taʻʻkidlandi.