Putin va Karlson nimalar haqida suhbatlashdi?

Amerikalik teleboshlovchi Taker Karlson oʻz saytida Rossiya prezidenti Vladimir Putin bilan ikki soatlik suhbatni eʻʻlon qildi. “Ukraina denafikatsiyasi”, 2014 yilda Ukrainadagi “davlat toʻntarishi”, tinchlik muzokaralari, AQShdagi saylovlar bilan bogʻliq vaziyat, Rossiya va Xitoy oʻrtasidagi munosabatlar suhbatning asosiy mavzulari boʻldi.

 

“Ukraina denafikatsiyasi”, 2014 yilda Ukrainadagi “davlat toʻntarishi”, tinchlik muzokaralari, AQShdagi saylovlardagi vaziyat va iqtisodiyot, shuningdek, Rossiya va Xitoy oʻrtasidagi munosabatlar suhbatning asosiy mavzulari boʻldi.

Putin suhbatni yarim soatlik nutqi bilan boshladi. Bu nutqida "Ukraina hech qachon mustaqil davlat sifatida mavjud boʻlmagani" va uning hududlari "tarixan ruslarniki" ekani haqidagi nazariyasini ilgari surdi.

U ikkala davlat ham “ertami kechmi” kelishuvga erisha olishiga ishonch bildirdi. Putin Ukraina “Vashingtonning koʻrsatmasi boʻyicha” Rossiya bilan muzokara qilishdan bosh tortganini aytib, qaror notoʻgʻri boʻlganini va endi uni tuzatish kerakligini qoʻshimcha qildi.

Suhbatning muhim qismi sobiq SSSR, keyin esa Rossiya va NATO bloki oʻrtasidagi munosabatlarga bagʻishlandi. Putinning soʻzlariga koʻra, sovet rahbarlari mamlakatlar oʻrtasidagi mafkuraviy tafovut ramzi boʻlgan Berlin devori vayron boʻlganidan keyin sheriklik va hamkorlik davriga umid bogʻlagan.

Prezident, shuningdek, SSSR parchalanganidan keyin AQSh "notoʻgʻri, qoʻpol, asossiz bosim siyosatini" olib borganini eslatdi. Xususan, NATOni kengaytira boshlagan, "Kavkazdagi separatistlarni qoʻllab-quvvatlagan va raketaga qarshi mudofaa tizimlarini yaratgan. Biroq oʻshanda raqobat uchun hech qanday sabab yoʻq edi, chunki Rossiyada bozor iqtisodiyoti va demokratik hukumat oʻrnatilgan”.

Rossiya rahbarining fikricha, Rossiyaning taktik yadro qurollarini qoʻllash rejalari haqidagi gaplar Gʻarb soliq toʻlovchilaridan “pul undirish” uchun ishlatiladigan “qoʻrqinchli hikoyalar”dir.

Bundan tashqari, Putinning soʻzlariga koʻra, Gʻarb Rossiyadan koʻra kuchli Xitoydan koʻproq qoʻrqadi. Prezidentning taʻʻkidlashicha, bu uning katta aholisi va iqtisodiy oʻsishi yiliga 5 foizga, yaʻʻni Qoʻshma Shtatlar koʻrsatkichidan oshib ketishi bilan bogʻliq.

Rossiya-Xitoy hamkorligi haqida gapirar ekan, prezident Xitoy iqtisodiyotining oʻsishi tufayli Rossiyaning tashqi savdo hisob-kitoblarida yuanʻ hajmi dollardan oshib ketganini taʻʻkidladi. Amerika valyutasining ulushi 13 foizga kamaygan, Xitoy valyutasi esa 34 foizgacha koʻtarilgan.

Putin, shuningdek, “Shimoliy oqim”ga uyushtirilgan diversiyalarni tilga olib, ularni Markaziy razvedka boshqarmasi bilan bogʻladi, biroq soʻng u tafsilotlarga kirishni istamasligini va manfaatdor tomonlarni qidirishni taklif qildi.

“Xalqaro huquq hozirda tuzatishlarga muhtoj, chunki dunyoda kuchlar muvozanati oʻzgardi, ‑ dedi Rossiya prezidenti. ‑ AQSh [1999 yilda Yugoslaviyada] nima qildi? Xalqaro huquq va BMT Nizomiga zid ravishda Belgradni bombardimon qilishni boshlandi. Qoʻshma Shtatlar bu “jin”ni koʻzasidan chiqarib yubordi”.

Jurnalist Gershkovichning taqdiri haqidagi savolga javoban Putin u josuslik va maxfiy maʻʻlumotlarni yigʻishda ayblanayotganini eslatdi. RF etakchisining soʻzlariga koʻra, bu "tasdiqlangan fakt". Biroq Rossiya Gershkovichni almashish imkoniyatini koʻrib chiqmoqda.

Taker Karlson Fox News telekanalining sobiq konservativ boshlovchisi, AQShning sobiq prezidenti Donalʻd Tramp tarafdori va Ukrainaga yordam koʻrsatishga qarshilardan.