Судан Соғлиқни сақлаш вазирлиги Кеселе ва Гадариф вилоятларида 128 та янги вабо ҳолати қайд этилгани, умумий касалланганлар сони 1351 нафарга етгани ҳамда уларнинг 56 нафари ҳаётдан кўз юмганини маълум қилди. Мамлакатда давом этаётган сув тошқинлари қурбонлари сони эса 138 нафарга етди.

2005 йил 19 ноябрь куни Ироқнинг Ҳадиса шаҳрида АҚШ аскарларини олиб кетаётган автомобилга ҳужум уюштирилади. Бундан ғазабланган Америка ҳарбийлари яқин атрофдаги уйларга бостириб кириб, 24 нафар тинч аҳоли, жумладан, аёллар ва болаларни ўлдиради. Орадан 24 йил ўтиб, ушбу ҳолат акс этган фотосуратлар ошкор бўлди.

Ўзбекистон президенти Шавкат Мирзиёев 28 август куни Туркия маданият ва туризм вазири Меҳмет Нури Эрсой бошчилигидаги делегацияни қабул қилди. Учрашувда Ўзбекистон ва Туркия ўртасидаги стратегик шериклик муносабатларини янада ривожлантириш, маданий-гуманитар ва сайёҳлик соҳаларидаги ҳамкорликни кенгайтириш масалалари муҳокама қилинди.

Франция суди уюшган жиноятчиликда айбланаётган Telegram асосчиси Павел Дуровга нисбатан расмий тергов бошлади, бироқ у 5 миллион евро миқдорида гаров пули эвазига судгача қамоқда бўлишдан қутилди. Шунингдек, Дуровга Франция ҳудудини тарк этиш тақиқланиб, ҳафтасига икки марта полиция идорасига келиш топширилди.

Янги йўналиш бўйича қатновчи биринчи юк поезди Хитойдан Ўзбекистонга етиб келди. Йўналишнинг узунлиги 6250 километр бўлиб, ушбу масофани 12 кунда босиб ўтди.

Швеция прокуратураси чоршанба куни 2023 йилда бир неча бор муқаддас Қуръони карим китобини ёқиб, мусулмон давлатларда кўплаб норозилик намойишлари ва давлатлараро зиддиятларга сабаб бўлган ироқлик икки муртадга нисбатан “миллатлараро адоват қўзғатиш” моддаси бўйича айблов эълон қилди.

Исроил Ғазо секторида босқинчилик ва қирғинбарот урушини бошлаганига 327 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Украина Қуролли кучлари бош қўмондони Александр Сирский айни пайтда Россиянинг Курск вилоятида 1294 кв км майдон ҳамда 100 та аҳоли манзили назорат остига олинганини маълум қилди. Шунингдек, 594 нафар рус аскари асирга тушган.

Қозоғистон ҳукумати Балхаш кўли бўйида атом электр станцияси қуриш бўйича умумхалқ референдумини ўтказиш тўғрисида қарор қабул қилди. Референдум тахминан жорий йилнинг кузида ўтказилади. “Мамлакат ядро ёқилғиси ишлаб чиқаришнинг тўлиқ циклини деярли якунлади ва кичик реакторлар билан ишлаш тажрибасига эга. Керакли кадрлар мавжуд, мутахассислар доимий равишда тайёрланмоқда”, – деди мамлакат бош вазири Олжас Бектенов.

Бангладешда муссон ёмғирлари туфайли рўй берган сув тошқини, кўчки ва дарё тошиши оқибатида ҳалок бўлганлар сони 27 кишига етди, 2 киши бедарак йўқолди. Ёғингарчиликлар оқибатларидан бутун мамлакат бўйлаб 5,6 миллионга яқин одам жабрланди, 35 минг бош чорва моллари хавфсиз ҳудудларга кўчирилди.