ЕИ Афғонистон тиббиётини қўллаб-қувватлашга 31 млн евро ажратди
Европа Иттифоқи Афғонистонда соғлиқни сақлаш тизимини мустаҳкамлаш учун 31 млн евро ажратилишини эълон қилди.
Маблағлар тиббий хизмат сифатини ошириш ва даволаниш имкониятларини кенгайтиришга йўналтирилади.
Жами сумманинг 16 млн евроси Жаҳон соғлиқни сақлаш ташкилотига (ЖССТ), 15 млн евроси эса БМТнинг Аҳолишунослик жамғармасига (ЮНФПА) ўтказилади. Молиялаштириш соғлиқни сақлашнинг муҳим муаммоларини, жумладан, касалликнинг олдини олиш ва даволаш, шунингдек, гинекология, оналик, неонатал ва болалар ва ўсмирлар хизматларини қўллаб-қувватлашга қаратилган.
Европа Иттифоқи вакиллари ушбу чора-тадбирлар, айниқса, она ва бола саломатлигини яхшилаш, шунингдек, бориш қийин бўлган ҳудудлар аҳолисига тиббий хизмат кўрсатишни кенгайтириш борасидаги саъй-ҳаракатлар нуқтаи назаридан муҳимлигини таъкидладилар.
Мавзуга алоқадор
-
Покистон ҳукумати фуқароларни ҳаво ҳарорати 40 даражадан ошиб, 50 даражада етиши мумкинлигидан огоҳлантирди. Панжоб вилояти маъмурияти шу муносабат билан барча давлат ва хусусий мактабларни бир ҳафтага ёпишга қарор қилди.
-
Ливандаги янги портлашлар оқибатида камида 9 киши ҳалок бўлди, яна 300 киши яраланди. Бу сафар радиолар, телефонлар, бармоқ излари қурилмалари, шунингдек, қуёш батареялари ва литий-ионли батареялардан қувват оладиган қурилмалар портлаган.
