АҚШнинг шарқий ҳудудларига урилган “Ҳелен” тўфони қурбонлари сони 150 нафардан ошди, 600 га яқин киши бедарак йўқолган деб ҳисобланмоқда. Тўфон вақтида шамол тезлиги соатига 225 км гача чиқди. Табиий офат оқибатларини бартараф этиш мамлакат 95-110 миллиард долларга тушиши мумкин.

Эрон Исроилга тарихда мисли кўрилмаган ракета зарбаларини берган тунда Тел-Авивда яна бир қонли воқеа содир бўлди. Икки нафар қуролланган фаластинлик Исроил пойтахтининг тарихий Яффа туманида одамларга қарата ўқ узди. Ҳодисада камида етти киши ҳалок бўлди, бир неча киши жароҳатланди. Ҳужум қилганлар ҳам шаҳид этилди.

Uzbekistan Airways авиакомпаниясининг Тел-Авивдан Самарқанд ва Тошкентга режалаштирилган рейси Эрон Исроил ҳудудига ракета зарбалари уюштиргани сабабли икки соатга кечикди.

Эрон Исроилга 500 га яқин баллистик ракеталар билан ҳужум қилди. Қайд этилишича, ракеталарнинг бир қисми “Темир гумбаз” ҳаво мудофаа тизимини ёриб ўтган. АҚШ президенти Жо Байден америкалик ҳарбийларга Эрон ҳужумларидан ҳимояланиш учун сионистларни қўллаб-қувватлашни буюрган.

Биолог олим Бахтиёр Абдуғафурнинг ёзишича, ҳасад одамнинг ич-ичини еб битириши ҳақидаги гап-сўзларнинг нейробиологик асослари мавжуд. Унинг таъкидлашича, ҳасад чоғида кортизол гормони ишлаб чиқарилади ва у ДНК узилиши, саратон каби оғир касалликларга олиб келади.

Исроил Ғазо секторида босқинчилик ва қирғинбарот урушини бошлаганига 361 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Ҳукмрон коалиция аъзолари Германияда “исломизм”ни бир неча бор қоралади. Бундестагдаги “Яшиллар” партияси етакчиси Катарина Дроге ўз баёнотида “Ислом заҳри нафақат чет элда, балки Германияда ҳам одамлар онгини забт этаётганини” даъво қилишгача бориб етди. Кейинчалик у “Ислом” ўрнига “Исломизм” демоқчи бўлганини қўшимча қилди.

Исроил Ливанга қуруқликдан ва ҳаводан ҳужумлар уюштирмоқда. Сўнгги 24 соат ичида Исроил ҳужумлари натижасида 95 киши ҳалок бўлди, 172 киши жароҳатланди. Ҳизбуллоҳ ҳам жавоб зарбаларини берди – муҳим хабарлар.

Истанбул шаҳрида Туркияда яшаётган ва таълим олаётган ватандошларимиз учун маданий-маърифий тадбир ташкил этилди. Унда, жумладан, Тошкент шаҳридаги «Оқ уй» жоме масжиди имом-хатиби Исроилжон домла Исмоилов ватандошларга ҳалоллик, ор-номус, поклик ва омонатдорлик динимиз буюрган гўзал ахлоқлар экани, уларсиз мусулмоннинг имони мукаммал бўлмаслиги ҳақида панду насиҳатлар қилди.

Исроил армияси Ливан жанубига қуруқлик орқали бостириб киришни бошлади. Ливан қўшинлари эса мамлакат жанубидаги позицияларини тарк этиб, 5 км ичкарига чекинмоқда. Ҳозирча ЦАХАЛ қаршиликсиз илгариламоқда.