“Биз ҳар қандай вақтда урушга тайёр туришимиз лозим, чунки дунёдаги жараёнларнинг кечиши шундай тезки, эртага нима бўлишини олдиндан айтиб бўлмайди”, деган Озарбайжон президенти.

Озарбайжонда Ўзбекистон президентини ижтимоий тармоқда ҳақорат қилган шахс ушланди. Қайд этилишича, А.Юсупов Ўзбекистон президенти шаъни ва қадр-қимматини ҳақорат қилиш жиноятини содир этганликда айбланиб, халқаро қидирувга берилган. Жорий йилнинг апрель ойида Озарбайжонда шахси аниқланиб, ҳибсга олинган ва унга нисбатан қамоққа олиш эҳтиёт чораси қўлланилган.

2025 йил 1 августдан бошлаб Озарбайжон гази Сурияга етказиб берилади. Ушбу жараён Килис – Ҳалаб магистрал қувури орқали амалга оширилади. Газ етказиб бериш ҳажми йилига 1,2 миллиард куб метрни ташкил этиши кутилмоқда.

Истанбулдаги IDEF2025 кўргазмаси пайтида имзоланган келишув икки давлат ўртасидаги ҳарбий ҳамкорликни мустаҳкамлашга қаратилган. Унга кўра, Озарбайжон Туркиянинг Baykar компанияси томонидан ишлаб чиқариладиган учувчисиз учиш аппаратларини харид қилади.

Озарбайжон президенти Илҳом Алиевнинг украин халқини "ҳеч қачон оккупацияга рози бўлмаслик", "таслим бўлмаслик" ва "ҳудудий яхлитлик бузилишига йўл қўймаслик" ҳақидаги чақируви Россияда жиддий муҳокамаларни келтириб чиқарди. Айрим ҳарбий блогерлар ва сиёсий таҳлилчилар Алиевнинг ушбу сўзларини Москвага нисбатан очиқчасига ҳурматсизлик сифатида қабул қилди. Улар ҳатто уруш таҳдиди билан чиқишгача бориб етди. Сиёсий таҳлилчи Орхан Бозкуртнинг фикрича, "Алиевнинг баёноти шунчаки дипломатик ишора эмас – бу Кавказдаги сиёсий мувозанат ўзгаришига олиб келадиган очиқ сигналдир. Москва Озарбайжон бошқа собиқ совет мустамлакаси бўлган давлатларга дарс бўлишидан қўрқмоқда".

"Ўзбек биродарларимизнинг қўллови биз учун жуда муҳим. Қорабоғни тиклаш йўлидаги илк совғани Ўзбекистон берган. Шавкат Мирзиёев ташаббуси билан Фузулийда 960 ўқувчига мослашган Мирзо Улуғбек номидаги мактаб очгандик", деган Озарбайжон президенти Илҳом Алиев Хонкендида ўтказилган медиафорумда.

Аш-Шарънинг ушбу ташрифи мамлакатлар ўртасидаги икки томонлама муносабатларни мустаҳкамлаш ҳамда турли соҳаларда ҳамкорлик учун янги имкониятлар очиши кутилмоқда. Музокаралар кун тартибидан минтақавий хавфсизлик, иқтисодий шериклик, маданий алмашинув ҳамда ўзаро манфаатли бошқа долзарб масалалар ўрин олган.

Россия ва Озарбайжоннинг давлатлараро муносабатларидаги муаммолари СССР тарқалиши даврида бошланган. Қорабоғ можаросининг дастлабки йилларида Озарбайжон жамияти Россияга нисбатан анча мойил эди. Бироқ 1990 йилнинг январида Совет қўшинларининг Бокуга киритилиши Озарбайжонда Россияга бўлган муносабатга салбий таъсир кўрсатди. Айнан 1990 йил 20 январда Москва аслида Озарбайжонни йўқотди. Озарбайжонда “Қора январь” номини олган ушбу воқеа жамоатчилик онгида Россиянинг босқинчилик сиёсати ҳақидаги қарашларни пайдо қилди.

Бугун икки мамлакат етакчилари Олий давлатлараро кенгашнинг иккинчи йиғилишини ўтказади, “Ўзбекистон” боғига тамал тоши қўяди ва Ўзбекистоннинг Бокудаги элчихонаси янги биносини очиб беради. Эртага, 3 июль куни Президентлар Шавкат Мирзиёев ва Илҳом Алиев мулоқотни Озарбайжоннинг Қорабоғ туманида давом эттириб, Хонкендидаги қўшма тикувчилик фабрикаси ва Ағдам шаҳридаги “Иморат” тарихий-меъморий мажмуаси билан танишади.

Шавкат Мирзиёев Озарбайжон президенти Илҳом Алиевнинг таклифига биноан 2-4 июл кунлари давлат ташрифи билан ушбу мамлакатда бўлади. Ташриф давомида Ўзбекистон билан Озарбайжон ўртасидаги дўстлик, стратегик шериклик ва иттифоқчилик муносабатларини янада мустаҳкамлаш, ҳамкорликнинг устувор йўналишларида кооперация ва алмашинувларни кенгайтириш масалалари кўриб чиқилади.