Яманда кузатилган кучли ёғингарчиликлар туфайли 2 млн ички қочқинлар яшаётган 204 та лагерга зарар етказди, 6,5 минг оила бошпанасиз қолди. Улар озиқ-овқат, бошпана, кийим-кечак ва гигиена воситаларига муҳтож.

АҚШ ва Буюк Британия жанговар самолётлар ва “Томагавк” ракеталари ёрдамида Ямандаги “ Ансоруллоҳ” (ҳусийлар) ҳаракатининг камида 60 нишонига зарба берди. Ўз навбатида, ҳусийлар душман кема ва ҳарбий иншоотларига жавоб зарбалари берганини маълум қилди. Қурбонлар ва вайронагарчиликлар ҳақида ҳозирча маълумот йўқ.

БМТ Хавфсизлик Кенгаши ҳусийларнинг Қизил денгиздаги ҳужумларини зудлик билан тўхтатишни талаб қилувчи резолюция лойиҳасини қабул қилди.

Пентагон Яманнинг 2 минг долларлик дронларига қарши 2 млн долларлик ракеталардан фойдаланиш жуда қимматга тушишидан хавотирда.