Ўзбекистон Олий суди тақиқланган манбаларнинг янги рўйхатини эълон қилди
Ўзбекистон Олий суди томонидан 2019-2024 йилларда интернет жаҳон тармоғидаги диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистон ҳудудига олиб кириш, тайёрлаш, сақлаш, тарқатиш ва намойиш этилиши тақиқланган манбаа ва контентлар (материаллар) рўйхати эълон қилинди. Рўйхатни қуйидаги ҳавола орқали кўришингиз мумкин.
Олий суд
ахборот хизмати раҳбари Азиз Обидовнинг маълум қилишича, бузғунчилик ва
вайронакорликни тарғиб қилувчи манба ва материалларни суд тартибида тақиқлаш
амалиёти хорижий давлатларда ҳам кенг қўлланилади.
Қайд
этилишича, диний ақидапарастлик, экстремистик ва террористик мазмундаги
материаллар жойлаштирилган интернет нашрлар, каналлар, саҳифалар, профилларни
аниқлаш ва уларнинг фаолиятига чек қўйиш юзасидан масъул ташкилотлар билан
ҳамкорлик йўлга қўйилган.
Таъкидланишича, бундай жиноий қилмишларга нисбатан амалдаги қонунчиликда қатъий жавобгарлик белгилаб қўйилган.
Эслатиб ўтамиз, январь ойида ҳам Ўзбекистон Олий суди томонидан тақиқланган манбалар рўйхати эълон қилинган эди. Рўйхатдан Telegram, YouTube каналлар, Facebook, Instagram, “Одноклассники”, TikTok саҳифалар, шунингдек, сайтлар ва турли тармоқлардаги аудио, видео, матн шаклидаги материаллар, шу жумладан, китоб ва нашидлар ўрин олган.
Мавзуга алоқадор
-
SpaceX компаниясининг Dragon капсуласини Халқаро космик станцияга (ХКС) олиб борадиган Falcon 9 ракетаси маҳаллий вақт билан 16:49 да учирилди. Унда Туркиянинг илк космонавти Алпер Гезеравжи ҳам бор.
-
Ўзбекистон президенти Шавкат Мирзиёев Тошкент-Самарқанд пулли йўлини қуришни бошлаш кўзда тутилган қарорни имзолади. Ҳужжатга кўра, сентябрда тендер ўтказилиб, ишлар декабрда бошланиши керак. Лойиҳани 2028 йилда якунлаш ҳамда хусусий-давлат шериклик асосида бошқарувни хусусий операторга топшириш режалаштирилмоқда. Тошкент-Андижон, Самарқанд-Бухоро пулли йўллари, “Тахтақорача” довонида туннел қуриш ҳам режалаштирилган.
