Қозоғистон Ўзбекистон билан юк ташишни соддалаштирмоқчи
Қозоғистон пилот лойиҳани амалга ошириш доирасида Ўзбекистон билан юк ташишни соддалаштирмоқчи. Бу ҳақда Қозоғистон транспорт вазирлиги матбуот хизмати хабар берди.
“Ўзбекистон рухсатнома бланкаларини беришни янада
соддалаштириш мақсадида Қозоғистон Республикаси Транспорт, Молия ва рақамли ривожланиш, Инновациялар ва аэрокосмик
саноат вазирликларининг
Ўзбекистон рухсатнома бланкаларини
бериш бўйича синов лойиҳасини амалга ошириш тўғрисидаги қўшма буйруғи лойиҳаси
ишлаб чиқилди”, — дейилади хабарда.
Синов
лойиҳаси 2024 йил
апрелидан бошлаб Атамекен, Б.Конысбаева, Казыгурт, Капланбек ва Тажен назорат-ўтказиш пунктларида “учинчи мамлакатларга/учинчи
давлатларга” туридаги рухсатномаларни электрон шаклда беришни назарда тутади.
Вазирликнинг
таъкидлашича, маҳаллий ташувчиларга электрон рухсатномалар бериш учун аризалар
Қозоғистон Молия вазирлигининг Давлат даромадлари қўмитасининг ҳудудий
органлари томонидан CarGoRuqsat автоматлаштирилган электрон навбат тизими
орқали талаб қилинадиган ҳужжатлар
рўйхати мавжуд бўлган тақдирда қабул қилинади.
Ушбу механизм виждонли ташувчиларга Ўзбекистон билан юк
ташишни соддалаштириш ҳамда навбатда турган жойлар билан чайқовчилик ва
рухсатнома бланкаларини учинчи шахсларга топширишни бартараф этиш имконини
беради.
Қозоғистон ҳудуди орқали Ўзбекистонга кирувчи қозоғистонлик ташувчилар
ўтказиш пунктларида Ўзбекистон рухсатномаларини электрон шаклда олади.
Қозоғистон ҳудудидан транзитсиз Ўзбекистонга кирувчи қозоғистонлик
ташувчилар Ўзбекистон рухсатномаларини “Электрон ҳукумат” портали орқали
Республика ҳудудида халқаро автомобиль ташувларида рухсат бериш тизимини қўллаш
қоидалари талабларига мувофиқ олишлари мумкин.
Мавзуга алоқадор
-
Бахти-Аягоз темир йўли Қозоғистон ва Хитой ўртасидаги ўтказиш қобилиятини 28 млн тоннадан 48 млн тоннагача оширади.
-
Қозоғистон президенти Қасим-Жомарт Токаев Ўзбекистон ташқи ишлар вазири Бахтиёр Саидовни қабул қилди. Суҳбат чоғида, жумладан, сув хўжалиги соҳасида ҳамкорлик ва Марказий Осиёда минтақавий хавфсизликни таъминлаш масалалари муҳокама қилинди.
