Британия Мусулмонлар Кенгаши (MBC) бош котиби Зара Муҳаммад мамлакат Мудофаа вазирлиги ташкилот билан 12 йиллик алоқаларини тугатганини маълум қилди.
BP ва БААнинг ADNOC компанияси “минтақавий ноаниқлик” туфайли Исроилдаги Partnership энергетика компаниясининг 50 фоиз улушини сотиб олиш бўйича музокараларни тўхтатди. Битим қиймати 2 млрд долларни ташкил этиши керак эди.
АҚШ Давлат департаменти буюртмаси асосида тайёрланган ҳисоботда сунъий интеллект одамзодга таҳдид солаётгани, энг ёмон сценарийда инсониятнинг йўқ бўлиб кетишига сабабчи бўлиши айтилган. Ҳисоботда унинг хатарларини камайтириш бўйича чоралар, жумладан, махсус Федерал агентлик ташкил этиш, кучли моделлар тафсилотларини оммага ошкор қилишни тақиқлаш ва СИ хавфсизлиги бўйича тадқиқотларни молиялаштириш таклиф қилинди.
2023 йилда Францияда исломофобия ҳолатлари сони 57 фоизга ошиб, 828 та ҳодиса қайд этилди. Жабрланганларнинг 81,5 фоизини аёллар ташкил этмоқда.
Исроил Ғазо секторида босқинчилик урушини бошлаганига 160 кун бўлди. 24 соат давомида Ғазо сектори, Иордан дарёсининг Ғарбий соҳилида содир бўлган асосий воқеалар дайжести.
Судан армияси жангарилар назорати остида бўлган Миллий телерадиокомпанияни озод қилди. “Исёнчиларни мамлакат бўйлаб ҳар жойда таъқиб қилишда давом этамиз”, - деди армия генерали Абдулфаттоҳ ал-Бурхон. Мамлакатдаги тўқнашувларда 13 мингдан ортиқ инсон ҳалок бўлди, 7 млн киши уй-жойларини ташлаб кетган, 1,7 млн одам эса қўшни давлатларга қочган.
БМТ халқаро ҳамжамиятдан 7 йил муқаддам Мяньмадан қочиб келган 1 миллионга яқин роҳинжа мусулмонлари ва уларни қабул қилган Бангладеш ҳукуматига ёрдам бериш учун 852,4 млн доллар ажратишни сўради.
Саудия Арабистони Дирия шаҳридаги маданий мерос объектига киришда кипасини ечишдан бош тортган АҚШ делегацияси аъзоси раввин Авраам Купердан кечирим сўради. Делегация ушбу ҳодисадан сўнг Қироликка ташрифини муддатидан олдин тугатган.
Шотландияда масжиддан қайтаётган мусулмон ўсмирга пичоқ билан ҳужум қилинди. Бола тан жароҳатлари билан касалхонага ётқизилган, полиция тергов ҳаракатларини олиб бориб, атрофдаги видеокамералар ёзувларини ўрганмоқда.
Россия президенти Владимир Путин ўз мамлакати ҳарбий-техник нуқтаи назардан ядро урушига тайёрлиги, стратегик ядровий кучлар доимо жанговар шай ҳолатда эканини таъкидлади. У Украинага қарши тактик ядро қуролларини ишлатиш эҳтимоли ҳақидаги саволга: “Бунга ҳожат йўқ”, дея жавоб берди.