Москва яқинидаги “Крокус Сити Холл” концерт залида содир бўлган терактдан кейинги кунларда Россия бўйлаб бегуноҳ тожик муҳожирлари таҳдидлар, оғзаки ҳақоратлар ва ҳуқуқ-тартибот идораларининг эътибори ортган. Нафақат тожикистонликлар, балки Марказий Осиё диаспорасининг бошқа вакилларига ҳам дискриминация кучайган.
Россия Меҳнат ва аҳолини ижтимоий муҳофаза қилиш вазирлиги чет эллик ишчиларни мақсадли, ташкилий ёллаш учун жамоат юридик компаниясини яратишни ҳамда унинг механизмини россиялик иш берувчилар фойдасига такомиллаштиришни таклиф қилмоқда.
АҚШ элчихонаси Францияда ҳам теракт хавфи кучайганидан огоҳлантирди. Элчихона ҳужумлар “озгина огоҳлантириш” билан амалга оширилиши мумкинлигини таъкидлаб, фуқаролар ва сайёҳларни, айниқса, одамлар гавжум жойларда ўта ҳушёр бўлишга чақирмоқда.
Исроил Ғазо секторида босқинчилик ва қирғинбарот урушини бошлаганига 173 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Россияда сўнгги ўн йилликлардаги энг қонли терактда айбланаётган тўрт кишининг қийноққа солингани акс этган видеолар кенг тарқалди, бу эса, таҳлилчиларнинг фикрича, Россия давлати ва рус жамиятининг оммавий зўравонликларга нисбатан тоқатлилиги кучайиб бораётганидан далолатдир. “Қийноқ ҳодиса сифатида мавжуд бўлмаслиги керак. Полиция ва давлат бугун террористни қийноққа солади, бу усул маъқулланганини кўради, эртага эса фаолни, журналистни, бошқа ҳар қандай одамни қийнашади. Улар бошқа йўлни билишмайди”, - деб ёзди фаол ва терговчи журналист Руслан Шаведдинов.
Инсоният тарихидаги энг қонли террор ташкилотларидан бири бўлган ИШИД ўз хуружларини асосан Туркия, Эрон, Афғонистон ва Россия каби давлатларда амалга оширмоқда. Бироқ АҚШ ва Ғарб мамлакатларида унинг қонли излари кўринмайди. Бу тасодифми ёки...
Исроил Ғазо секторида босқинчилик ва қирғинбарот урушини бошлаганига 172 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Москванинг Басманний суди тергов талабига биноан “Крокус Сити Холл”даги теракт бўйича жиноий иш бўйича яна уч нафар айбланувчи – ака-ука Диловар ва Аминжон Исломовлар ҳамда уларнинг отаси Исроилни ҳибсга олиш тўғрисида қарор қабул қилди. Фожиа қурбонлари сони эса 139 нафарга, жабрланганлар 361 нафарга етди.
Исроил бош вазири Беньямин Нетаняху БМТ Хавфсизлик Кенгашида Ғазо бўйича резолюцияга вето қўймагани учун АҚШга делегация юбормасликка қарор қилди. Ўз навбатида, Исроил БМТ ХК резолюциясига қарамай, Ғазодаги ҳужумларини давом эттиришини билдирди.
Meta компанияси Instagram ижтимоий тармоғига “сиёсий контент” созламасини киритди. Ўзгариш "ҳукуматлар, сайловлар ёки одамларнинг катта гуруҳига ва/ёки бутун жамиятга таъсир қиладиган ижтимоий муаммоларга ишора қилиши мумкин бўлган" хабарларга таъсир қилади. Сиёсий фаоллар, жумладан Фаластин тарафдорлари платформани цензурада айбламоқда.