Бомбаланаётган Ғазо: 172-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 172 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️ Босқинчилар
Рафада тинч аҳоли яшаётган уйга зарба бериши оқибатида 15 киши ҳалок бўлди. Яҳудий
армияси, шунингдек, Ғазо шимолига ҳам зарбалар берди. Кун давомида 107 киши
шаҳид бўлди.
▪️ Ғарбий
Соҳилда босқинчилар Женин, Рамаллаҳ, Наблус, Хевронда оммавий ҳибсга олмоқда.
Балат лагерида босқинчилар Фатҳ ҳаракатининг штаб-квартирасини портлатиб юборди.
▪️ Ал-Қассам
Бригадалари: Биз Ғазо шаҳридаги Ал-Тафел ҳудуди чегараларини босиб ўтган
босқинчиларни миномётлардан ўққа тутдик, бу эса уларни ўз қўшинларини ҳудуддан
олиб чиқишга мажбур қилди.
▪️ БМТ
ҳисоботида Исроил Ғазода геноцид содир этганликда айбланади: Исроил Ғазода
кўплаб геноцидларни амалга оширди. Исроилнинг Ғазога ҳужуми табиати ва кўлами
фаластинликларни жисмонан йўқ қилиш ниятидан далолат беради.
▪️ Ливан
Ҳизбуллоҳи: Биз Ал-Муталлаҳда исроиллик аскарлари жойлашган бинога аниқ зарба
бердик.
▪️ БМТ Хавфсизлик
Кенгашининг Ғазода ўт очишни тўхтатиш бўйича резолюцияси қабул қилинишини дунё
олқишламоқда. Овоз
беришдан кейин залда ҳам қарсаклар
янгради.
▪️ Исроил аскарлари томонидан қамал қилинган Ғазо сектори
жанубидаги Хон Юнус шаҳрида
жойлашган Амал касалхонаси ўз фаолиятини тўхтатди.
▪️ БМТ
Хавфсизлик Кенгаши Ғазода ўт очишни тўхтатиш талаб қилган резолюцияни қабул
қилганига қарамасдан, Исроил ташқи ишлар вазири Исраэл Кац: “Исроил ўт очишни
тўхтатмайди. Биз ҲАМАСни йўқ қиламиз ва охирги (исроиллик) маҳбус қайтиб
келгунча курашамиз”, деди.
▪️ Иорданияда
намойишчилар кетма-кет иккинчи кун норозилик намойишларини давом эттирмоқда.
Улар: “Ғазо очликдан ўляпти, эй қўрқоқ араб ҳукуматлари”, деб ҳайқирганча Ғазо
билан бирдамлик билдириб, ишғолчи кучларнинг давомли тажовузини қораламоқда.
▪️ АҚШ
Қуролли кучларининг бир неча ҳарбий самолётлари Суриянинг Дайр-аз-Зор вилоятида
Башар Асад режими тарафида бўлган эронпараст гуруҳларнинг ҳарбий нишонларига
ҳужум қилди. Дайр-аз-Зор шаҳри маркази, шунингдек, Ал-Букамал ва Ал-Маядин
туманларидаги 10 та ҳарбий объектга, жумладан, ўқ-дорилар омборига зарба берилган.