АҚШ элчихонаси Францияда теракт хавфи ҳақида огоҳлантирди

 139 киши ҳалок бўлган «Крокус» фожиасидан кейин террорчилик хавфи кучайиши ҳақида огоҳлантирди.

“22 март куни содир бўлган терактдан сўнг […] Франция ҳукумати ўзининг миллий хавфсизлик сигнализацияси Вигипирате тизимини энг юқори даражага кўтарди”, дейилади Америка элчихонасининг расмий баёнотида.

Юқори даражадаги хавфсизлик жамоат жойларида, жумладан аэропортлар, транспорт марказлари, диний муассасалар, туризм ва спорт майдончалари, савдо марказларида қўшимча эҳтиёт чораларини ўз ичига олади.

Дипломатлар Франция ҳукумати эҳтимолий террорчилик таҳдидларини фаол кузатиб бораётганини таъкидлаб, ҳужумлар “озгина огоҳлантириш” билан амалга оширилиши мумкинлигини таъкидлаб, фуқаролар ва сайёҳларни, айниқса, одамлар гавжум жойларда ўта ҳушёр бўлишга чақирмоқда.

Элчихона хабарида, шунингдек, ҳар қандай шубҳали ҳаракат ҳақида ҳуқуқ-тартибот идораларига хабар бериш муҳимлиги таъкидланган: “Гавжум ва машҳур сайёҳлик ҳудудларига ташриф буюрувчилар, айниқса, ўз атрофларидан хабардор бўлишлари керак”.

Аввалроқ Франция президенти Эммануэл Макрон 22 март куни Россиядаги “Крокус Сити Холл”да одамларнинг оммавий отишмаси учун жавобгарликни ўз зиммасига олган ИШИД террорчилик гуруҳи Франция ҳудудида ҳам ҳужумлар уюштиришга уринганини айтган эди.

ИШИДга алоқадор “Ал-Баттар Медиа” нашри Европада террорчилик ҳужумларини уюштиришга шаъма қилувчи “Москвадан кейин ким?” ёзуви билан Европанинг тўрт пойтахти сурати бўлган таҳдидли хабарни чоп этди. Суратда Париж, Рим, Мадрид ва Лондон тасвирларини кўриш мумкин.

Мавзуга алоқадор

Энг кўп ўқилган

Тавсия қилинган

Реклама