Бомбаланаётган Ғазо: 173-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 173 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️ Босқинчилар
Миср чегарасидан унча узоқ бўлмаган Рафаҳ шаҳрига катта ҳужумлар уюштирди. Нусейрат, Хон Юнис ва Жабалия
лагерларига ҳам зарба берилди. Кун давомида 81 киши шаҳид бўлди, 93 киши
яраланди.
▪️ Босқинчилар
Носир касалхонасига бостириб кирди, у ерда тиббиёт ходимлари ва кўчирилганлар
ҳибсга олинди.
▪️ Ғарбий
Соҳилда ишғолчилар Женинга бостириб кирди, натижада 19 ёшли фаластинлик шаҳид
бўлди, Наблисдаги уйида бир қиз ҳалок бўлди, яна 5 киши эса оғир яраланди.
▪️ Чет
эл самолётлари томонидан Ғазо секторига инсонпарварлик ёрдами денгизга тушиши натижасида камида 13
нафар фаластинлик сувдан
озиқ-овқат қутиларини олишга уринишда ҳалок бўлди.
▪️ Босқинчилар
Ливан жанубидаги Ал-Хабария шаҳрига ҳужум қилди. Ҳужум натижасида тез ёрдам
марказининг 7 нафар кўнгиллиси ҳалок
бўлди.
▪️ ОАВ: Ливандан Юқори Жалила
томон 30 дан ортиқ ракета учирилди. Кирят Шмонада бир кўчманчи яҳудий ҳалок бўлди. Катта
вайронагарчиликлар мавжуд.
▪️ Ал-Қассам
бригадалари: Жангчиларимиз
Ар-Рашид кўчасида бир гуруҳ босқинчиларни йўқ қилди.
▪️ ҲАМАС сиёсий бюроси аъзоси Иззат
ал-Ришқ Исроилнинг икки ҳафта муқаддам ҳаракатдаги учинчи муҳим шахс
ҳисобланувчи Марвон Исо туннелга уюштирилган ҳаво ҳужуми натижасида ҳалок
бўлгани тўғрисидаги иддаосини шубҳали деб атади. У охирги сўзни Иззад-Дин
ал-Қассам бригадаси (ҲАМАСнинг жанговар қаноти) айтишини маълум қилди.
▪️ Ғарбий
Соҳилдаги ноқонуний яҳудий аҳоли пунктларидан ва Эммануэл саноат зонасидан
чиқарилган суюқ ва қаттиқ чиқиндилар Фаластин аҳоли саломатлигига таҳдид солаётгани
ва қишлоқ хўжалиги ерларини ёмонлаштираётгани маълум қилинди.
▪️ Туркия Миллий мудофаа вазирлиги январь ойида ҳам Исроилга
порох, портловчи моддалар, ўқ-дори ва қурол экспорт қилишда давом этгани
ҳақидаги хабарларни рад этиб, фақат “ов милтиғи эҳтиёт қисмлари ва балиқчилик
воситалари (гарпун ва бошқа)” сотилганини билдирди.