Франция мустамлакаси остидаги Янги Каледония мустақиллиги тарафдорлари француз хавфсизлик кучларининг оролдан чиқиб кетишини талаб қилмоқда. Канак социалистик миллий озодлик фронти Парижни Янги Каледониянинг туб аҳолисини ўз тақдирини ўзи белгилаш ва ўз ерларини мустақил бошқариш ҳуқуқидан маҳрум қилишга қаратилган конституциявий ислоҳотга қарши чиққанларга нисбатан қаттиқ босимни давом эттиришда айблади.

Молиявий таҳлилчилар ва риск-менежерлар гильдияси кузатув кенгаши аъзоси, иқтисод фанлари номзоди Александр Разуваев Россияда ислом банк иши ҳақидаги мулоҳазаларини эълон қилди. У мамлакатда ислом банкини жорий этиш орқали Кўрфаз давлатларидан маблағлар жалб этиш, Ғарб санкцияларини айланиб ўтиш мумкинлигини таъкидлади. Шунингдек, исломий биржалар рўйхатини келтирди. “Ислом банкида ишлаш учун эса профессионал бўлиш кифоя, мусулмон бўлиш шарт эмас”, деб ёзди иқтисодчи.

Исроил ҳарбийлари жанговар ит Даун синдроми ва аутизмга чалинган 24 ёшли фаластинлик Муҳаммад Бҳарни тилка-пора қилиб ўлдиришига қўйиб беришди. Шунингдек, улар Муҳаммадга ёрдам беришларига ҳам тўсқинлик қилишган. BBC ҳолат ҳақида дастлаб “Ғазолик Даун синдромли эркакнинг ёлғизликдаги ўлими” сарлавҳаси остида хабар берди, ўқувчиларнинг танқидидан сўнг эса “Ғазолик Даун синдромига чалинган эркакка Исроил армияси ити ҳужум қилди ва ўлимга ташланди, дейди онаси” деб ўзгартирилди.

Польшанинг Саноатни ривожлантириш агентлигига қарашли WSK Poznan давлат компанияси Эроннинг қишлоқ хўжалиги тракторлари ишлаб чиқарувчи Motorsazan компаниясига сотган ёқилғи насослари сотган. Ушбу эҳтиёт қисмлар кейинчалик жанговар учувчисиз учиш аппаратларига ўрнатилган, дронлар эса Россия томонидан Украинадаги урушда украин ҳаво мудофаасини йўқ қилиш ва жабҳа чизиғидан узоқдаги инфратузилма объектларига зарба бериш учун сотиб олинган.

Украина «ЗерноFromUA» инсонпарварлик дастури доирасида Фаластинга 1000 тонна буғдой юборди. Мазкур ёрдам 100 мингдан зиёд фаластинлик оиланинг бир ойлик эҳтиёжини қоплайди. Украинадан Ғазога навбатдаги гуманитар юклар “яқин ойларда” етказилиши режалаштирилган.

Америкалик миллиардер Илон Маск ўз жинсини ўзгартирмоқчи бўлган мактаб ўқувчиларини ҳимоя қилиш ҳақидаги қонун туфайли X ва SpaceX компаниялари штаб-квартирасини Калифорниядан Техасга кўчирмоқчи. Гап шундаки, энди Калифорнияда мактаб ўқувчисининг трансгендерликни танлагани ҳатто унинг ота-онасидан ҳам сир сақланади. Тадбиркор янги тартиб туфайли болаларнинг ҳаёти хавф остида қолаётганини таъкидламоқда.

Исроил Ғазо секторида босқинчилик ва қирғинбарот урушини бошлаганига 285 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

АҚШ президентлигига номзод Дональд Трампга уюштирилган ҳужум вақтида ҳалок бўлган 50 ёшли ўт ўчирувчи Кори Комператорнинг пости ижтимоий тармоқларда тарқалиб, 35 млндан ортиқ ўқилди. Унда эркак сионистларнинг бомбардимонидан жабр кўраётган фаластинликларни Иккинчи жаҳон уруши даврида АҚШнинг ядровий ҳужуми қурбони бўлган японлар билан солиштирган.

Доғистон муфтиятида фатволар бўлими қайтадан ташкил этилиши маълум қилинди. Ушбу бўлим шариатга кўра ниқобни тақиқлаш учун асослар топилмаганини эълон қилганидан сўнг "замон талабларига мос келмагани" учун ёпилган эди.

CNN АҚШ ҳукумати Эрон Дональд Трампга суиқасд уюштирмоқчилиги ҳақидаги разведка маълумотлари олгани, шу боисдан Махсус хизмат собиқ президент атрофида хавфсизлик чораларини кучайтирганини маълум қилди. Бироқ бундай чоралар ўз самарасини бермади, шу билан бирга, манбалар 20 ёшли йигитнинг фитнага алоқадорлиги ҳақида ҳеч қандай маълумот берилмаган.