Доғистон муфтийси янги фатво бўлими ташкил этилишини маълум қилди
Доғистон муфтийси
Доғистон муфтиятида фатволар бўлими (шаръий ва ҳуқуқий хулосалар) ва яраштириш бўлими қайта ташкил этилади. Бу ҳақда республика мусулмонлари идораси раҳбари Аҳмад Абдулаев муфтийлик ходимлари билан учрашувда маълум қилди.
Унинг сўзларига кўра, мазкур қарор аҳолининг мурожаат ва сўровлари билан ишлашни яхшилаш мақсадида ишлаб чиқилган.
Муфтийнинг тушунтиришича, Доғистоннинг барча тўрт ҳудудий округи вакиллари бўлимда ҳар куни ислом фанлари докторлари бошчилигида ишлашади.
Эслатиб ўтамиз, 8 июль куни муфтий Абдулаев фатво бўлимини “замон талабига” тўғри келмагани сабабли тугатди, шунингдек, республика муфтийлигида “кейинги ўзгаришлар”ни ҳам эълон қилди.
Аввалроқ муфтий ниқоб (мусулмон аёлларининг юзни тўлиқ қоплайдиган ва кўз учун тор тирқиш қолдирадиган кийим) тақишни тақиқловчи фатво қабул қилинганини эълон қилиб, фатво бўлимига бу масалани ўрганишни топширган эди.
Муфтийликнинг фатво бўлими эса шариат матнлари таҳлили ниқобни бутунлай тақиқлаш бўйича қарор қабул қилиш учун асос бўлолмаслиги ҳақида баёнот берди. Шунга қарамай, муфтийлик тавсиявий характерига эга бўлган ниқобни вақтинчалик тақиқлаш тўғрисида қарор қабул қилди.
Мавзуга алоқадор
-
Давлат Думаси депутатлари яқин орада юзни беркитувчи кийим, жумладан, ниқобни тақиқлаш борасидаги қонун лойиҳасига овоз беришади. Депутатларнинг фикрича, ниқоб тақиш жамоат жойларида кузатув камераларидан одамнинг юзини аниқлашни қийинлаштиради.
-
Доғистон муфтиятининг фатво бўлими ниқобни вақтинчалик тақиқлаш бўйича фатво чиқарди. Унга кўра, тақиқ республика аҳолиси хавфсизлигига таҳдидлар мавжудлиги сабаб қилиб кўрсатилди ва мазкур хавф-хатарлар бартараф этилиб, “янги фатво” чиққунига қадар амалда бўлади. Аввалроқ Доғистон муфтияти ниқобни бутунлай тақиқлаш учун етарлича исломий асослар топа олмаганини эълон қилган, бироқ анъанавий либосларни кийишни “маҳаллий даражада тақиқлаш”га рухсат берганди.
