Афғонистон ва Марказий Осиё давлатлари ўртасидаги чегараларни сув тошқинлари ювиб кетган ва улар қайта белгиланиб чиқилади, деди энергетика ва сув ресурслари вазири в.б. Абдул Латиф Мансур ҳудудий келишувлардаги эҳтимолий ўзгаришларга ишора қилган ҳолда.
7 августга ўтар кечаси 400 нафардан зиёд Украина ҳарбийлари ва жанговар техникалари Россиянинг Курс вилояти ҳудудига бостириб кирди. Украина томони бир қанча аҳоли пунктлари назоратга олинганини, РФ Мудофаа вазирлиги эса душманлар Россия ҳудудидан улоқтириб ташланганини маълум қилди. Қурбонлар ва жароҳатланганлар бор.
Исроил Ғазо секторида босқинчилик ва қирғинбарот урушини бошлаганига роппа-роса 10 ой бўлди. Охирги 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Эроннинг Исроилга ҳужуми кутилаётгани сабабли Яқин Шарқ минтақаси фонд бозорларида сезиларли тушишлар кузатилмоқда. Исроилнинг TA-35 индекси февраль ойидан бери энг паст даражага тушди, шекел 1 фоизга қадрсизланди. Миср ва Саудия Арабистони фонд бозорларида ҳам йўқотишлар қайд этилди.
Нигер Киевни террорчи гуруҳларни қўллаб-қувватлашда айблаб, Украина билан дипломатик муносабатларни узаётганини билдирди. Аввалроқ Мали ҳукумати ҳам худди шундай қарорни эълон қилганди.
Исроил авиацияси Ливанда Ҳизбуллоҳ нуқталарига уюштирган вакуумли бомба ҳужумлари натижасида ҳаракатнинг беш аъзоси ҳалок бўлди. Бунга жавобан Исроил ҳудудига уюштирилган учувчисиз учоқ ҳужумларида эса 17 исроиллик жароҳатланди.
Тинчлик учун Нобел мукофоти совриндори, узоқ вақтдан бери Ҳасинанинг рақиби ҳисобланган ва "камбағаллар банкири" сифатида танилган 84 ёшли Муҳаммад Юнус Бангладеш ўтиш даври ҳукумати раҳбари этиб тайинланди.
ҲАМАС ҳаракатининг Ғазо секторидаги раҳбари Яҳё Синвар Эронда ўлдирилган Исмоил Ҳания ўрнига ташкилот Сиёсий бюроси раиси этиб тайинланди. Яҳё Синвар ким? Айрим муносабатлар.
Нигерия, Бирлашган Араб Амирликлари, Малайзия ва Индонезия Британиядаги фуқароларини мамлакат миқёсида содир бўлаётган тартибсизликлар ҳамда "мусулмонлар ёки рангли одамлар"га қарши ҳужумлар фонида одамлар гавжум жойларга бориш ва саёҳат қилишдан огоҳлантириб, эҳтиёт чораларини кўришни тавсия қилмоқда.
Meta Platforms Малайзия бош вазири Анвар Иброҳимнинг Facebook ва Instagram аккаунтларидан ҲАМАС етакчиси Исмоил Ҳаниянинг ўлдирилгани билан боғлиқ контентни ўчириб ташлагани учун узр сўради. Ҳаниянинг ўлими муносабати билан ҳамдардлик билдирган постлар ўчирилганидан сўнг, Малайзия Meta билан боғланиб, тушунтириш талаб қилди.