Жанубий Корея парламенти президент Юн Сук Ёл ва у билан боғлиқ яна 7 нафар амалдорни ҳибсга олишни талаб қилувчи қонун лойиҳасини қабул қилди. Парламентда ҳарбий ҳолат жорий этишни рад этиш учун 190 депутат овоз берди. Бироқ президентнинг бу ҳаракатлари уни импичментдан сақлаб қолди.

Германиянинг Миграция ва қочқинлар бўйича федерал идораси (МҚФИ) Суриядан келган қочқинларнинг бошпана сўровларини вақтинча кўриб чиқишни тўхтатди. Ушбу қарор Сурия диктатори Башар Асад ҳокимиятининг ағдарилиши билан боғлиқ сиёсий вазият сабабли қабул қилинган. Айни дамда Германиядан бошпана сўраган суриялик қочқинлар сони бир миллионга яқинлашган.

Сурияда мухолифат кучлари Курдистон ишчи партияси (ПКК) назоратида бўлган Манбиж шаҳрини тўлиқ қўлга киритди. Дайр аз-Зор вилояти маркази, Тал-Рифат, Букамал ва Майядин ҳудудларидан ҳам ПКК сиқиб чиқарилди. Исроил ПККни "минтақада барқарорликни таъминловчи куч" деб атаб, халқаро ҳамжамиятни уни қўллаб-қувватлашга чақирди.

Би-би-си маълумотларига кўра, 2015 йилдан 2024 йилгача Суриядаги амалиётлар чоғида 543 нафар россиялик ҳарбий хизматчи ва «Вагнер» ХҲК ходимлари ҳалок бўлган. Улар орасида махсус операциялар кучлари, ФСБ махсус бўлинмалари, ГРУ разведка аскарлари ва ҳарбий учувчилар каби энг кучли тоифадаги мутахассислар ҳам бор.

Россия Давлат Думаси мудофаа қўмитаси раисининг биринчи ўринбосари Алексей Журавлёв Суриянинг собиқ президенти Башар Асадга Россия фуқаролигини беришни таклиф қилди. Унинг сўзларига кўра, Россия ўз иттифоқчиларига доимо инсоний муносабатда бўлиб келган ва Асаднинг Россия учун қилган хизматларини инобатга олган ҳолда, бу ташаббусни амалга ошириш мақсадга мувофиқдир.

10 декабрь – Жаҳон инсон ҳуқуқлари кунида халқаро ҳуқуқ бўйича экспертлар Инсон ҳуқуқлари декларацияси Ғазода ўз универсаллигини йўқотганини таъкидламоқда. "Ғазодаги вазият декларациянинг барча моддалари бузилганини намоён қилмоқда. Бу таълим олиш, қийноққа солинмаслик, ўзбошимчалик билан ҳибсга олинмаслик каби ҳуқуқларнинг топталишидир", деди экспертлардан бири, халқаро ҳуқушунос Лена Ал-Малак.

Исроил бош вазири Биньямин Нетаняху Сурияга тегишли бўлган Жўлон тепаликлари абадий “Исроилнинг ажралмас қисми” бўлиб қолишини эълон қилди. Исроил, шунингдек, Суриядаги вазиятдан фойдаланиб, минтақада муҳим стратегик аҳамиятга эга бўлган Ҳермон тоғини ҳам жангсиз босиб олди.

ХХI асрнинг дастлабки чораги бир-бирига зид бўлган томонлар кураши билан тарихда қоладиган бўлди. Айни жабҳада иккинчи даражали давлатлар АҚШ гегемонлигини чеклаш учун иттифоқлар тузишга уринаётган бўлса, Америка ўзининг стратегик манфаатларига хавф туғдириши мумкин бўлган бундай иттифоқларнинг шаклланишини имкон қадар чеклашга уриняпти. Ҳозирги кунда дунё бўйлаб рўй бераётган исталган уруш, можаро ёки сиёсий ҳаракатларга эътибор қаратсак, юқоридаги икки омил томонидан дастаклаб турилганини англаш қийин эмас. Руминия, Грузия, Покистон, Яқин Шарқдаги сўнгги геосиёсий ўзгаришларга бир қур назар.

Бу қамоқхонада 2011 йилдан буён 130 мингдан ортиқ одам ноинсоний шароитлар ва қийноқлар остида ҳибсда сақланди. 2011-2021 йиллар давомида 30 мингдан ортиқ маҳбус қийноқлар, тиббий ёрдам кўрсатилмагани ёки очлик натижасида ўлдирилган. Якшанба куни пойтахтга кириб келган мухолифлар "Седная" қамоқхонасидаги зулм даври тугаганини эълон қилишди.

Россия Давлат Думасида меҳнат мигрантларининг мактаб ва боғчалар яқинида яшашини чеклашга қаратилган қонун лойиҳаси ишлаб чиқилмоқда. Либерал демократик партияси раҳбари Леонид Слуцкийнинг таъкидлашича, таълим муассасалари ҳудудида мигрантларни рўйхатдан ўтказиш ҳам тақиқланиши мумкин.