АҚШнинг Мичиган штатида истиқомат қилувчи мусулмон гуруҳлари президентлик сайловида Дональд Трампни қўллаб-қувватлашларини маълум қилди. "Мусулмонлар сифатида биз президент Трампни қўллаб-қувватлаймиз, чунки у Яқин Шарқ ва Украинада тинчлик ўрнатишга ваъда қилмоқда", - деди мусулмонлар вакили.

Ҳизбуллоҳ Исроил шимолидаги 25 та аҳоли манзилига ўрнашган яҳудий кўчманчиларга уй-жойларини тарк этишларини буюрди. Бу нимани англатади?

Ойбек Усмонов Ўзбекистоннинг Афғонистондаги элчиси этиб тайинланди. У бунга қадар Миср ва Покистонда элчи бўлиб ишлаган.

Қуддус Ислом кенгаши Исроил мусулмонларнинг энг муқаддас қадамжоларидан бири бўлган Ал-Ақсо масжидига оид статус-квони ўзгартириш режаларидан жиддий хавотир билдирди. Кенгаш баёнотига кўра, Исроил ҳукумати яҳудий кўчманчиларга бу муқаддас қадамжога кўпроқ ҳуқуқ ва кириш ҳуқуқини бериш ниятида.

Европа Иттифоқи Афғонистонда соғлиқни сақлаш тизимини мустаҳкамлаш учун 31 млн евро ажратилишини эълон қилди.  Ушбу маблағларнинг 16 млн евроси ЖССТ, 15 млн евроси эса БМТнинг Аҳолишунослик жамғармасига ўтказилади.

Исроил Ғазо секторида босқинчилик ва қирғинбарот урушини бошлаганига 386 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар

Суданда RSF томонидан уриб туширилган ва Қирғизистонга алоқадорлиги айтилган юк самолёти қамалдаги Эл-Фашер шаҳрида жойлашган мамлакат армиясини қурол-яроғ билан таъминлаган. Ҳалок бўлган россияликлардан бирининг машҳур рус қурол сотувчиси Виктор Бут билан алоқадор тадбиркор экани маълум бўлди.

Европарламент Озарбайжондаги вазият, инсон ҳуқуқлари ва халқаро ҳуқуқнинг бузилиши, шунингдек, Арманистон билан муносабатларга оид резолюцияни қабул қилди. Резолюцияда арман ишғолидан озод қилинган ҳудудлардан ҳарбийларини олиб чиқиб кетиш талаб қилинган. Озарбайжон ТИВ ушбу ҳужжатда келтирилган талаблардан норози бўлиб, ЕИ элчисини чақирди.

Исроил мудофаа кучлари “Эрон режимининг Исроил давлатига бир неча ойдан бери давом этаётган ҳужумларига жавобан” шанбага ўтар кечаси ҳарбий самолётлар ёрдамида Эрон ва Суриядаги бир қанча ҳарбий нишонларга зарбалар берди.

Куни кеча 2016 йил Туркиядаги давлат тўнтаришига уриниш ташкилотчиси сифатида айбланиб келинаётган, террор ташкилоти деб эълон қилинган – FETO етакчиси, воиз Фатҳуллоҳ Гулен АҚШда дафн этилди. Унинг “илоҳий миссияси” нималардан иборат эди? Гуленнинг Ўзбекистонга қандай алоқаси бор? Гулен қандай қилиб Туркия бошқарувигача кириб бора олди – таҳлилий мақола.